懶人餐

2011年4月29日

幾時都話食得越簡單就越健康, 看到我把所有肥

都去掉的人一定話我浪費的, 

因為我食肉肥一些都不會留的啊! 

這樣我就會食得心安理得; 有人話燒羊架 

冇肥點好食o架? 

話你知, 只要買對了好的羊排, 點做都好吃, 

當然都要識做先得啦!

今次一日內做了兩樣肉食, 因為行山迷路好激氣, 

我又冇食牛、羊好耐喇! 回家途中見到

大昌返貨好新鮮, 於是就入貨喇! 放縱一次咁多啦! 

這是一半的份量 

好快有得食

2010年10月14日

好少見我講食嗎? 今次要講一吓喇! 

這是在L.A.買的有機意粉, 一盒6包, 可以散買的, 

每包有編號, 真喺連亞婆都唔會買錯呀! 

這是其中三款.

夏日入廚樂

2010年7月7日

(是日小暑, 食冬瓜可消暑啊!)

天口熱做些開胃菜就Very Good喇! 

我發現了這兩款好正呀! 又易做重好

開胃o忝! 試做了, 好正!

甜酸柚子魚塊

DIY輕盈茶

 2010年6月28日

自製輕盈茶

鳳梨水果綠茶（1杯）

材料：菠蘿1/4個、青葡萄10粒、蘋果1個、
綠茶包1個、蜂蜜2茶匙、檸檬汁少許及熱水200毫升．   

DIY高抗氧化餐

2009年8月7日

甘筍洋葱西蘭花奄列

支持低碳環保素食日

2009年6月18日

14/6 上星期好似記得喺世界素食日, 低碳環保食物; 

所以整咗少少素菜食足三餐, 其實平時都整o架! 

得兩樣, 好懶啊! 今次整多樣, 中午煮...

食到第日朝早...食白粥都重有得剩! 睇吓喇!!!

乾燒四寶有西芹、冬菇、雲耳同炸菜, 就炒埋一碟, 

調味落咗少少生抽.

DIY健怡食譜

2009年5月16

兩款簡單又健康的食譜, 易做又可口.

鮮果乳酪杯（兩人分量）

簡簡單單又一餐

2009年3月9日

上次話過要清雪柜內的剩餘物資, 真的還有很多

東西未食, 又發現有一小包小冬菇, 有些少荷豆, 

尚存一包喬麥麵. 又可煮一餐了.

於是提早浸定冬菇, 荷豆撕去老邊洗淨備用.

燒熱鑊落一小匙油, 下薑蒜數片, 下冬菇爆炒一回,

 放入少少生抽落水半杯, 中火煮至水快乾再落荷豆兜勻, 

洒上少許白酒上去蓋, 焗兩分鐘即成.

健康餐

2009年3月6日

有朋友問我...點解唔見你放些你煮食的照片上綱嘅? 

我話有乜好放吖! 日日都喺白灼冇乜特別, 

人哋睇到都唔開胃啦! 簡中也有自製的菜上綱的.

今次可以說是要食埋雪櫃的剩餘物資, 有梅菜, 

乾菌, 湯料等...於是便做了一餐我認為既健康又好

伴飯的一個小菜; 梅菜乾炒豬頸肉絲.

首先將梅菜浸透, 去除咸味, 然後切幼絲

再浸水至淡味為皆. 再用白鑊炒至乾身, 

再加上適量的糖再用慢火炒至入味, 起碟備用.

減肥餐

2008年6月2日
現在時下的飲食習慣, 已沉醉在好味這兩個字中, 
試問在十元八塊的食物中, 何來有鮮味可言; 全都靠味精, 但基於味精有優劣之分, 劣質的多吃對身體有害, 甚至吃後有神經麻痺、口乾鼻熱之感; 
就算是受得也會做成味覺的傷害; 就是因為味覺遲鈍, 
好味的食物就在不知不覺中多吃了, 
最後也是引致肥胖的原因.
所以要懂得食, 學習食得其所, 最重要不可懶惰, 
美麗不會在懶人身上發現的, 多點自己動手, 多吃新鮮食物, 少吃即食產品, 少油、少糖、少鹽;
其實所有食材都有其原味, 是一個好的嘗試.
以下的餐單非常簡單, 但一定要堅持和定時運動, 
可憑自已的智慧轉換食材, 一定收到奇效, 又可有個健康的身體, 不要等問題出現時才去後悔.
這個可令皮膚由內靚到外的美白餐， 有促進新陳代謝，
增加皮膚彈性的功用，需不需要減肥的你也非常適合。

健康飲食小貼士

2008年1月9日

煮食時可以燕麥粉代替粟粉作芡汁，

提高餸菜的健康指數。 

簡易靚湯

2007年12月18日

天氣轉冷但又乾燥, 日日對住部電腦真係手指都乾憎憎,

 今日靈機一觸, 成日聽人講什麼蜜瓜煲雞, 

我覺得雞會燥一些, 同時好多時有少少感冒

又唔知o既人飲咗雞湯就大件事喇!

我建議改用瘦肉比較穩陣. 又滋潤又養肺.

材料:二至四人份...瘦肉十兩.

蜜瓜半個.  (要生一點的, 太熟容易煲爛)

紅蘿蔔一大個. 南北杏五錢. 蜜棗三粒.

做法: 先把瘦肉飛水備用; 煲滾十五碗水, 

然後把湯料全部放入煲內, 大火再滾後轉中火, 

半小時後轉慢火, 大約二小時即成. 

然後依個人口味加入些少鹽便可.

柚子蜜煎鴨胸

2007年11月7日

又一好介紹柚子蜜汁鴨胸... 

是我今年夏天的新作, ruby妹妹最愛.

材料: 鴨胸一條, 柚子蜜四湯匙.

(鴨胸本身已調好了味, 不用加味道)

做法好容易: 先把鴨胸兩邊煎至金黃, 

即加入柚子蜜, 慢慢火至起泡泡即熄火, 

用碟剩起切片, 然後將剩下的蜜汁淋上面便可.

既簡單又省時.真係好好味o架.

湯水一則

 2007年10月26日     

差不多有個多月沒有到過街市, 今天特然好想吃苦瓜, 

可是苦瓜期已過了, 沒了. 但是我卻看見了夜香花, 

有十多年沒有吃過, 在外國是沒有得買, 

這次見到當然不會錯過, 買了半斤, 

再買了一點豬潤瘦肉來煮湯; 

記得媽說過: 夜香花清肝明目, 很少有得買, 

花期只有一至兩個月, 都是在盛夏時間, 

可能天氣改變了, 這時候應該是沒有的. 

但又給我發現了.

    做法好簡單: 洗淨夜香花, 豬肝瘦肉切片, 

用些少薑絲, 鹽,糖, 生粉調味備用, 水滾落夜香花, 

中火煮十分鐘, 加入配料後, 轉大火一分鐘熄火

把蓋蓋上, 等三分鐘後可上桌. 很清香好味.

吃得簡單, 一樂也.

2007年10月19日

很久沒有飲雞湯了, 跟妹妹吃了個多月素, 

趁她去了歐洲旅遊, 今晚特別做了一個

雲南野菰烏雞湯, 再加一份喬麥麵, 

跟貓貓吃得不易樂乎. 好好味呀! 

這樣吃又養生又健康一點也不油膩, 正...