商場聖誕裝飾(APM)

今次APM用豬仔做主題, 諗咗好耐, 點解呢?! 
 原來真係有原因嘅! 豬係同老虎好夾o架! 

希望用豬仔裝潢可以旺上加旺啦！
因為出年就係虎年, 用隻豬喂肥隻老虎先!!!

2021商場聖誕

一個極光小鎮, 地方不大, 但佈置得美輪美奐,

使遊人和小朋友樂而忘返, 我由一開始就跟到裝置完畢,

好有親切感, 不竟疫情快使人透不過氣,
有地方輕鬆一吓! 好正呀!

2021年工展會場巡禮

今年的工展會己沒有昔日的本地製造風彩,

多是外來品, 真的失去港貨展覽的實情,

什麼利工民, 雞仔嘜, 鱷魚恤, 嘉頓等本港大牌盡失,

連的最愛吃的阿波羅鮮果雪糕都冇埋,

最多就係買海味和健康食品的攤位,

有試食的地方就擁滿人, 真的什麼洋相都有.

以後應改名為雜貨展銷會, 不能再叫工展, 香港工業已死.

結果我好快閃人, 再沒有留戀之地.

紫芒草/紫葉狼尾草2021/12

最近大熱的紫色芒草地, 有人大讚夠浪漫,

一經此言, 不得了喇! 連山都快被踩平!

其實早十幾年前這處是我晨運必經之路,

目的地係馬油塘的茶寮, 晨運客必到,

不知現在還存在否?

芒草簡介:-

禾本科狼尾草屬的植物約130種，夏季花序開放，

花序像狗尾巴草，大量的花序飄逸彎曲。

在7.8月高溫季節，所有的植物身處水深火熱中，

黯然失色，而狼尾草才剛剛綻放姿色。

狼尾草初期淡綠色，後轉變為紫色或白色。

7月中旬開花，最佳觀賞期可持續到11月底。

紫葉狼尾草它的葉片、莖稈、花序均為酒紅色，

是眾多觀賞草種類中顏色最為鮮艷亮麗的品種之一。

小雪後賞菊...2021

菊花在中國文化中，向來以其具有清寒傲雪的品格,

為人們所喜愛，晉代詩人陶淵明的

「採菊東籬下，悠然見南山」的名句流傳至今。

菊花的品種總共有19000種，種類繁多，

分類的標準也很多，可以根據花期、花徑、花色、

栽培形式、花瓣、葉形等標準來區分。

以下的是我最愛的管狀菊, 又叫麵線菊。

黃金蒲桃/澳洲黃花樹

2018年颱風山竹襲港, 我家樓下的兩棵木棉,

一棵白千層都打斷咗,

後來換種咗幾棵樹苗, 睇都睇唔出係乜樹,

三年半後的今天, 居然開出一樹黃花,

細看之下...原來係黃金蒲桃的澳洲黃花樹,

又叫黃金熊貓, 真係靚到日日有人打咭.

虎斑蝶

 野外捕獲[虎斑蝶], 追到氣咳先見到正面, 好攰呀!!!

鯉魚門衛徑小茅坪2021

鯉魚門的山上, 衛亦信徑小小茅坪, 無意發現,

好少人到, 非常寧靜, 一個人去非常不利, 小心.

大木林蛛的真面目

在郊野少不了同昆虫碰面, 如果似往時一大斑人行山的話,
我最多拍一兩張就要被叫走,今次冇人理我, 我就耐心的搵,
終於給我搵到了, 實在難得人面珠交配; 因風雨過後,
它們暴光律最高, 但一到冬季就好難見得到的了.

簡介:-
大木林蜘蛛（學名：Nephila pilipes），

又稱斑絡新婦，人面蜘蛛、毛絡新婦，

是大木林蛛屬下的一種。

其中屬名 Nephila 源自古希臘文，

意思指「喜歡紡織的」。

雌性大木林蜘蛛的身體比雄性大得多，

腳與腳之間闊15厘米，而體長有 5 厘米。

牠們居住於森林與紅樹林裏面。

與其他圓網蜘蛛一樣有毒，但對人體影響不大。

雄蜘蛛較為細小，橙色，大約只有雌蜘蛛的五分之一。

2021/11花墟遊一圈

今次行一圈花墟, 見到的花好旺盛, 可能天氣太暖,

好多年花都應節氣綻放, 睇得好開心呀!!!

(第一次留意到太子站美麗的壁畫.)

2021-11-07是日立冬

 是日立冬，窗外鳥聲嘈雜到不得了, 相信今日會好好天。

立冬，是二十四節氣之一，

每年在11月6-8日之間，即太陽位於黃經225°。

立冬，意味著生氣開始閉蓄，萬物進入休養、收藏狀態。

其氣候也由秋季少雨乾燥，向陰雨寒凍的冬季氣候漸變。

立，建始也，表示冬季自此開始，

冬...是終了的意思，萬物收藏也。

意思是說秋季農作物全部收曬完畢，

收藏入庫，動物也已藏起來準備冬眠。

中國又把立冬作為冬季的開始。

城門水景

風打過後城門必水滿, 每年重九都會順道一遊,

這次天氣真好, 拍到水浸白千層, 到日落才閃人呀!!!

2021玄圓學院...重陽祭

重陽去拜祖, 天氣非常好;

行到成身濕, 汗流如雨下.

總要定, 慢慢做, 終於完成, 抖咗一陣,

收拾一切落山去, 太陽好猛, 好在有帶傘,

臨走前順道拍番下幾張相, 靈山聖地係唔錯的.

我話過有我一日在, 春系秋二祭永不忘.

2021鯉魚門石礦場

休息了成年, 終於有伴同行, 短程試步於鯉魚門石礦場,

是日晨早煙霞瀰漫, 可是到了中午太陽猛烈, 我中招喇! 行行吓血糖低, 冇哂力, 好在有好多朋友在旁照顧,

當然自己知自己事, 真的要練留一段長時間先可復元呀!

2021年黃大仙百年廟會(三)從心園花燈

黃大仙廟的秘密花園「從心園」這次都在水池中設滿花燈,

有西遊記, 鯉躍龍門及眾仙佛的花燈,

當然跟大仙得道成仙的羊咩咩都出齊啦!

2021年黃大仙百年廟會(二)花燈

 本想夜拍, 結果打退堂敲, 夜晚一樣人山人海, 改日再戰!

到正誕那天, 晨咁早出動, 去到未開門, 但人龍己擺定了;

終於入到廟, 以前未試過咁大型的燈會,

今年百歲廟會, 特別唔同呀!

黃大仙百年廟會2021.

 因疫症港人無得出外, 為有在港有乜就玩乜,

剛好黃大仙百年廟會又有燈睇, 仲唔一窩蜂湧去咩!

追月第晚我想人唔會多! 點知去到打哂蛇餅, 出面一盞燈都冇,

遊人黑暗中前進, 我見如此, 拍了幾張就掉頭走人喇!

到正誕日再去拍過, 我一早去等七點半開門, 人龍已排到廟後喇!

我都係一貫作風添香油後, 祈求世界和平, 人人身體健康,

就跟住周圍影喇! 不用一小時我已經拍攝完, 可回家了!

笑談追月2021

✰祝親愛的朋友們..✰

'ღ大家中秋節快樂! ღ✰

•**•.•**•.•**•.•**•.•**•.•*•**•.•**•.•**•.✰

2021賀中秋

 家有烘焙師, 過節有得黐;

睇落細細個, 食後冇唔妥;

用料超健康, 一啖食一個, 爽爽呀!!!

謝謝我的Alice...💓

立夏紅荷

2021六月荷花

6月正逢荷花綻放季節，常有民眾搞不清楚荷花、

蓮花的分別，但其實荷花就是蓮花、蓮花就是荷花，

與睡蓮同屬「睡蓮科」，但分別是「蓮屬」及「睡蓮屬」。

從外觀上，最簡易的區別，就是荷花的葉片挺立出水面，

葉面呈現碗形狀，有微毛，可盛裝水珠；

而睡蓮的葉片則是圓形平躺貼浮在水面上。
這篇沒有睡蓮分享啊!

2021六月花冊

六月花花集, 野生栽種兩相宜.

2021 千瓣蓮

千瓣蓮屬於復瓣的一種，歸納為花瓣較多的種類，

它的花色是鮮紅色，花瓣呈順時針向前傾斜;

它的花期一般在每年的6月份，清晨才會開花，

花香幽然清淡，整株可以作為藥引。

母親花賀母親節2021.

 首先祝大家開心過母親節.

願各位母親生活無憂, 身體健康!

宣草簡介:

萱草又被稱為忘憂草，是中國傳統的母親花。

中國古代對待父母首重「尊親」，古時候，遊子若遠行，

一定要先在母親居住的「北堂」前種植萱草，

希望母親有萱草為伴，可忘卻煩憂，減少思念。

由於萱草的花苞還是良好的食用植物(金針菜)，

經常在庭院中種植，因此「北堂種萱」這一傳統由來已久。

唐代詩人孟郊在詩中寫道：-

「萱草生堂階，遊子行天涯，慈母倚堂門，不見萱草花」，

清晰明瞭地講述了母親依靠在堂門上，憂傷的思念著

遠在他鄉的遊子，已經無心情看到門前盛開的萱草花了。

香港鳥巢2021

(¯`♥´¯)♥*•.•**•.•**•.•**•.•**•.••**•.✰
..*•.¸.•*(¯`♥´¯)♥✰祝親愛的朋友們..✰
ღ.•**•✰.*•.¸.•* 'ღ大家母親節快樂! ღ✰
•**•.•**•.•**•.•**•.•**•.•*•**•.•**•.•**•.✰
同大家分享我去鳥巢拍到的鳥兒,
疫情下唯一的娛樂節目, 遊公園...

此鳥名叫[噪鵑],
由春分回港, 直到秋分先離去,
其聲之響震入心神, 凌晨4:30起叫至下午7:30才停止,
每年此時我就嚴重失眠, 此雀仲係受保護的, 冇仇報...

三月最後的紅棉2021

 差些又過期忘記上載, 每年一拍, 但年年不同; 
其實沒什麼大不了, 只是心中的情意結,
心思思的推窗就見, 捨不得不拍呀!!!

2021野外植物(二)

 今年第二篇野外植物, 其實有些真的不顯眼,

如不細心搜索, 一吓子就錯過了,

能夠找到它們就是幸運, 從一朵小花看宇宙,

那是多美好的一件事啊!

太平山的植物2021.

閒來無事, 又唔想同人群一起, 平日最好上山頂,

行舊山頂道, 你會發覺行了一圈後, 得著好多呀!!!

志蓮靜苑的睡蓮

在南蓮往上走經過天橋, 好快就來到志蓮靜苑;

我影過茶花後必到蓮池看看, 可是沒大驚喜,

大致上都係普通的睡蓮, 因睡蓮易種, 四季開花,

而荷一年一次, 花落後如不立即打理, 好易又滿池污水,

所以只有南蓮圓滿閣在夏天有種白蓮,

如遇不上就要得下一年...

南蓮園池2021.

 每年都會造訪這個園林, 每次都拍下一些照片留念, 

今年遊人特別多, 由其是那些傭工. 

好在管理得善, 要不然又成露營點?!

簡介:-

南蓮園池（Nan Lian Garden）位於香港九龍黃大仙區

鑽石山鳳德道60號，康樂及文化事務署轄下公園，

以每年1元的象徵式的費用委託志蓮淨苑管理、

營運和保育公園。此外，志蓮淨苑亦負責公園的設計、

監督建造及日常維修工作。公園佔地約35000平方米，

以唐代園池為建築藍本。

2003年興建，2006年11月14日由香港行政長官曾蔭權

聯同香港佛教聯會會長釋覺光長老主持開幕典禮，

11月15日正式對外開放。

2021野外植物(一)

郊外的野生植物, 有時真係想都想唔到,

竟然哩度都有? 咁! 再想深一層係邊個咁好在下種呢?

答案係...小鳥.就是因牠們在別的地方吃了果子,

然後又飛來這裡排泄,咁就會幫了不少野生植物到處留種喇!

這樣就使大家...更易觀賞到不同的野生植物啦!

簡單就是美

講插花有人說是一門大學問, 是耶非耶?

且看隨意風大師的做法, 無論用什麼樽,

都能插上花, 插上的並非什麼名花,

隨意一扎枯枝也可成名作。

當我看到什麼樽都可用時, 心想簡單就是大學問!

香港迎春花

 香港的迎春花多不勝數, 如果是野生的就非它們莫屬,

其分佈在香港各個山頭, 只要過年時候在山上

舉頭四望一定有收穫。

蠔宴

 今晚豪門宴呀！妹妹去露營，帶回來一籃子野生蠔，

專程來與我同享用，真的好正，又爽又甜，

每人一打有多，真係夠晒豪呀！

行花墟

今年天氣比早年暖好多, 好多花都早開, 

這次行花墟見茶花好靚, 

 今年行了幾次花墟, 太陽都曬到我出油, 

所以都係睇咗自己想要的花就閃喇! 

這之次是買花過年宵新十五呀!!!

新的一年又開始了

新的一年又開始了, 在這裡我祝願大家在新的一年....祝大家

             身體健康, 好運連連,   乘風破浪, 一帆風順,   二龍騰飛,   三羊開泰,   

               四季平安,   五福臨門,   六六大順,   七星高照,   八方來財,   九九同心,

十全十美, 百事亨通,   千事吉祥,   萬事如意,   步步高昇!!!