健康餐

2009年3月6日

有朋友問我...點解唔見你放些你煮食的照片上綱嘅? 

我話有乜好放吖! 日日都喺白灼冇乜特別, 

人哋睇到都唔開胃啦! 簡中也有自製的菜上綱的.

今次可以說是要食埋雪櫃的剩餘物資, 有梅菜, 

乾菌, 湯料等...於是便做了一餐我認為既健康又好

伴飯的一個小菜; 梅菜乾炒豬頸肉絲.

首先將梅菜浸透, 去除咸味, 然後切幼絲

再浸水至淡味為皆. 再用白鑊炒至乾身, 

再加上適量的糖再用慢火炒至入味, 起碟備用.

豬頸肉非常爽口, 久煮不易變老, 就是厭太多肥肉, 

買了回來還要片去多餘脂肪, 費時頗長; 然後切幼條, 

用蒜頭、生抽、白糖少許撈勻, 十分鍾後再加上適量

生粉和少許麻油撈勻便可落鑊.

用中火加兩小匙油, 然後將肉放入鑊中舖平, 等三四分鐘後, 整體反往另一面, 同樣時間, 直至微黃便可兜亂, 待顏色再金黃些時, 可加上已做好的梅菜, 炒至均勻, 在這是可洒上些少清水伴炒, 就不會太乾身便可上碟.

另外再來一個清補涼野紅菌豬展湯, 湯料是現成隨處有售, 

我只加上了上次去雲南買到的野菌吧! 

煲兩個半小時即成.

再煮了一鍋十穀飯, 便可供給我是日兩餐的食用, 

還可用白粥伴食o忝!

餸好惹味, 湯加了野菌補血健脾胃. 十穀飯更加不用說

最有營養, 沒有餸也可上口. 除了個餸有些少油和調味, 

基本我就什麼都不會加上, 才算是健康餐啊!

請各位食家多多指教, 偶然露一手, 真有點班門弄斧之感呀!