好快有得食

2010年10月14日

好少見我講食嗎? 今次要講一吓喇! 

這是在L.A.買的有機意粉, 一盒6包, 可以散買的, 

每包有編號, 真喺連亞婆都唔會買錯呀! 

這是其中三款.

樣子可愛...

又好易熟的...

只要水大滾後, 放下一整包滾十五分鐘熄火, 

焗十分鐘搞定了. 瀝清水份過冷河, 便可放入雪柜, 

幾時食...食多少可隨意啊!

通常我會煮一些滾水, 再加上火腿什菜煮滾就食得喇! 

不再加味, 火腿都夠味了!

我連湯都唔要喇! 加一點桂林辣椒好正o架!

再食好少少, 用易潔鑊煎一塊豬扒, 不用落油啊!然後...

趁鑊上有少少油就爆炒一些洋蔥、紅黃甜椒、

小蘿蔔再加上長意粉, 加少少頭抽, 

就是一個好好味的豬扒意粉喇!

我對食好簡單, 但有要求, 要對身體健康, 冇油多菜, 

又要快有得食, 這便是我的家居懶人餐喇! 

對我的懶人餐有乜意見呢?