2009年6月18日
14/6 上星期好似記得喺世界素食日, 低碳環保食物;
所以整咗少少素菜食足三餐, 其實平時都整o架!
得兩樣, 好懶啊! 今次整多樣, 中午煮...
食到第日朝早...食白粥都重有得剩! 睇吓喇!!!
乾燒四寶有西芹、冬菇、雲耳同炸菜, 就炒埋一碟,
調味落咗少少生抽.
這個重簡單, 一件滑豆腐切粒, 落少少欖油爆兩嘢,
加些少炸菜粒即成.
水炒芥蘭都喺用咗一茶匙仔欖油炒, 一定要猛火落菜,
洒少少糖先落水炒, 再焗一陣, 加少少生抽即成.
芥蘭唔落少少糖會有苦澀味o架!
我食乜都唔會落太多調味, 唔落都一樣好食o架!
因為有其原來的味道, 有人問過我喺唔喺有病;
我真喺啋過佢呀! 因為唔加咁多調味,
例如: 油、鹽、糖、豆粉, 食多咗都冇咁易肥o架!
又健康又知道原材料d真味! 幾好呀! 所以食慣出面
味精餸菜的人兒, 就唔知乜嘢叫做真味喇!
外邊乜嘢都有落味精落...喱吓攞命, 其實好多人都知,
但喺有句話就喺...習慣成自然, 越食越鹹,
越食越要好味, 在不知不覺中便會吸收過量的
不必要物質, 所以現代的病, 除了家族遺傳的不計;
血壓高、 心臟病、糖尿、癌症都年輕化.
唉! 醫務署有醫務署宣傳, 但喺又有幾多人會聽得入耳噃!
會少肉多菜, 減少食好味的味精食物吖!
到有事的時侯,可能會太遲了, 唔想年紀大周身病痛,
就要時不時進行低碳飲食, 不要製造過份的二氧化碳
,
,
對身體又好又環保.
點呀? 睇得入眼嗎? 各位腦友記會唔會多d關心一吓...
自己將來身體的健康呢?
在此祝大家身體食出健康, 人生活得更美好
沒有留言:
張貼留言
謝謝留言