禮物

上星期大雷大雨, 我好夜重要入機場呀! 

做完信鴿原來有報酬o架! 

登! 登! 登! 櫈! 睇吓喺乜傢伙? 哦! 原來是茶葉; 

又唔喺我鍾意飲的大紅袍、潮州鐵觀音or遠年普洱;

喺什麼天台山雲霧茶?! 我真喺唔識佢啊! 

又要查資料喇? (一定要, 唔查唔識飲呀?) 知嗎?

睇吓盒底有說明呀! 唔使查喇!

天台山是中國最早產茶之地

「浙江省的天台山是我國最早產茶地之一， 

以香淳、汁濃著稱的天台山雲霧茶 

是日本茶道的源頭，並多次在國內外獲獎， 

被評為國家綠色食品，並被譽為 

「佛天雨露、帝苑仙漿」； 

天台山的茶道表演團, 曾出訪日本等國 

傳播文化，並在中國杭州國際茶文化節上， 

榮獲「茶藝精深」的獎牌，如在浙江旅遊 

不要錯過細品甘露的滋味，唇齒之間的各種 

感覺不言而喻。」

講到咁勁, 咁就死都攬到實, 唔使旨意攞走呀!

回到家中急不及待的打開來研究吓先?!

我第一個念頭就是包裝不環保, 兩小包的茶葉, 

裝潢成咁樣, 太浪費了. 點解唔用一個玻璃瓶來裝呢? 

用完又可再用啊!

鬧完個包裝唔環保都要開出來見人o架! 

茶葉好纖細, 好新鮮似的, 有一種好重的 

綠茶香, 好重的草青味, 又夾帶著些少烘 

焙過的味, 總合一句好似日本的綠茶味. 

怪不得此茶是日本茶道的源頭啦!

開咗啦! 梗喺要沖嚟試吓先! 立即開咗 

個八寶柜, 搵咗套似樣嘅白瓷茶具出嚟, 咁先 

襯番d茶葉o架! 講到咁巴閉, 急不及待喇!

按照盒上的說明, 取3-4克茶葉, 加150克開水, 

焗三分鐘, 即可飲用. 當茶飲至三份一時, 

再加水用, 可沖三次. 好! 等我加 ...

加入滾水先, 見茶葉開始出色, 立即蓋上.

焗了三分鐘, 即倒出兩杯, 少了三份一, 再沖水焗之. 

隨隨飲下兩小杯, 茶味喺 好特別?! 我又講唔出喺乜味, 

飲時又唔似日本綠茶味喇! 

細看下真的是一芯兩葉的嫩芽呀!

這次又給老板難到了, 佢唔飲茶, 但每有人送他茶葉, 

我就來接收, 飲後要向佢做報告, 等第日有人問佢... 

上次d茶點呀? 佢就有得對上兩嘴喇! 

再來兩小杯比先前的濃咗少少, 在感覺上 好滑、好純, 

茶色唔錯吖! 就喺形容唔到喺乜味道?! 

真喺有d飲唔慣, 先打這茶入冷宮, 等我飲完我的 

至愛再作考慮飲佢吧! 真喺形容唔到喺什麼茶味, 

真失敗, 外行即是外行, 飲茶冇得認叻o架!