小心被騙(假裝香港郵件)

2009年8月26日
大家真喺要小心~!

假香港郵件 (小心被騙) 鳴謝blog友BoBo提供

 事因有日...有間公司寄左張綠咭去(作者)屋企, 

話有郵件收, 又話冇人收件. 

張咭淨喺得個編號, 同埋地址, 連名都冇, 

叫(作者)7日內打電話去 25412811,

乜野資料都冇, 真喺覺得有些奇怪。

 跟住(作者)便用133不顯示來電

打張綠咭上的電話 - 25412811去查問, 但對方一直

不肯表明身份 , 只是一味話有郵件收 , 

要你個人資料... 即是（電話和身份証號碼）, 

話喺作派件用 ,  (作者)當然唔肯俾啦!  

對方還聲大夾惡 , 一味話要核對個人資料 , 

強調要電話同身份証號碼 ; 

因此(作者)無理佢便收了線。

後來他上網一查, 發現真係有問題 ~ 這個電話

25412811 - UA, 原來個名喺叫(領達數), 

應該係一間收數或放數公司來的; 

但(作者)和他的屋企人都冇借過人錢啊 !

 

原來這張綠卡在這半年愈見愈多, 除左綠色, 還有白色, 

同香港郵政的包包裹卡好似樣, 但就比較細張 ~ 

原來寄這張卡嘅人或公司喺俾左郵費嘅!  

所以郵局都無權唔派.

最重要喺提醒屋企人, 由其是老人家要提防有詐, 

小心被騙!

注意: 如發覺有這類冇名冇姓, 淨喺得個號碼和查詢電話的郵咭, 切勿理會, 最好去電郵政局查問, 一定要跟家人相量, 私人資料不可隨便透露啊! 

真正的郵包咭, 一定有收件人的姓名和郵局或郵遞公司編號的. 如郵遞公司去到府上未能接觸, 他們會通知下次再來的時間, 不用你去電查問的.