超!超!超!的超級市場

2009年8月6日

又喺我倉鼠導遊帶你哋參觀L.A.最大的超市喇! 

要做會員先可以幫襯咖! 因為裡面所有嘢

都比外面的平和新鮮囉!

這是一層過佔地四個足球場咁

上下大的超市Costco Wholesale.

點解話超晒班的超市, 原因是除了食用品, 

還有傢私、家電、衣物、車呔零件、

室內一切裝修、還有金飾和水晶等等...

一入門便是家居用品, 如地毯、木地板...

打橫一路入去都是賣有關屋的東西. 

我沒有時間影齊, 因為我去得太晚了, 

尚有半小時便關門.

車呔也比外面平十幾元的啊!

我以最快步走入生果區喇!

我買的水果都全在這裡, 

白色的四方屋裡面是賣新鮮蔬菜區.

左手邊是糧油雜貨區, 真喺柴gas啦、

米、油、鹽、清潔用品等...

這一條直路都是鮮肉區, 最靚的是羊扒, 

最低買的是豬肉, 最貴是牛扒, 雞全部都是急凍的, 

我都冇走入去影啊!

靠左手邊全部都是乳酪製品, 講得出名都有咖!

還有一個大廚房, 5元一隻大燒雞, 我食過一次怕了, 

食了兩日我沒法食完; 當然廚房一定有, 

因為將快到期的肉烤熟出售, 減低損耗.

當然還有新鮮出爐的各式蛋糕、餅食、麵包等...

又經過洋酒部, 真喺乜酒都有呀!

這裡是急凍即食部, 有八行如此的凍柜.

所有放入微波爐的食物有齊, 

最出名的H字頭的雪糕都有齊啊!

衣物區...底底面面講得出都有喇!

男士用品區, 好多男仔來這裡大搜查咖!

花最少得一個攤位; 跟住望過去都喺飲料區, 

可樂最平$9.89一盒32罐.

右手邊裡面是配藥部和藥物銷售區;

外面就是女士用品和化妝品區.

我好快咁推住幾盒生果, 又好快咁拍了一些的沿途所見, 

其實拍唔齊咖!?  驚被人話呀? 你知啦...俾人話好冇face咖!

來到付款區了, 那時大閘已關上, 

好多人等住俾錢啊! 六點都未夠...

我就跟著這位太太, 佢轉面見到我盒藍莓, 

即時話唔制喎, 點解我盒又大粒又夠黑, 

我話啱啱開箱快d去換啦!

咁我就同佢睇住架車先, 當然俾錢時梗喺我俾先啦! 

到佢跑到返嚟我都計梗數喇!

嗱!!!女人就喺咁喇! 話換一盒...點知托咗幾盒返嚟, 服未!

重有一樣要講嘅...你哋見唔見到柜位

有一條一條的直立鐵通, 好似水喉管咁呢?  

神奇喇...又俾我睇到佢嘅功用噃!  

請留意最前...著湖水藍衫白褲那位女士個頭的位置先, 

條鐵通有個缺口o架?!  隔離條line埋數

我見到佢將收銀機d賬單啦,  現金啦! 捲作一團,  

然後塞入管道,  即時就有真空吸了進去, 

每條管都會單獨吸到去會計部內的獨立單位核對,  

個收銀員拍拍手就放工喇!  全部電子計數, 

員工數都唔使數幾方便呀!

去買嘢開架車仔! 冇咁阻眼呀?   會唔會悶襯你哋呢?

拜拜!