香港中區步行至南區

2009年4月15日

12/4 天陰, 一向不知行程的我又跟著大隊出發,
本來想先去大學的植物研究館參觀, 可是時間尚早未開門,
 只好走回頭再從旭龢道出發;


靠著配水庫右邊直上.

路旁的豪宅看似從事商業用途, 但重門深鎖不得而知.

大斜梯級直上山頂, 好在今天沒太大日照, 但也吃力.

未幾...來到了松林廢堡. 廢堡是二次大戰

留下的遺跡, 這個應該是儲藏庫.

離開廢堡取盧吉道直上山頂區.

見到纜車站後靠右取道溥扶林水塘道往西走.

一路上坡大約個多小時到了郊野公園山頂.

在山的高處往下看, 前面是鴨脷洲.

右面是火石洲, 以前的英人軍火庫.

香港仔避風塘.

隊長話取道貝璐道下山.

今次真的眼前一亮, 想話唔行都唔得, 冇機會喇!
人在山頭, 要靠山旁的石堦下坡, 坡道只容一人好窄!
 我又開始腳軟了.

好在有五嫂一路鼓勵, 而華姐就一去冇踪, 我掛住影相
佢就冇等我喇! 吓有鐵鍊? 又見唔到邊, 又大落斜...

隊友話: 見有鐵鍊的地方一定高危, 

我的腳仲軟多幾成...

一路下坡未算險...

來到這裡我真的是手腳並用, 

才可以安全落到引水道.

以為快到目的地, 原來又唔喺啊! 

好像走極都未到似的;

見到香港仔起點路牌, 又以為快到平地, 

點知又唔喺...

原來重要去找墳場徑, 經墳場才可到市區...

後來有一隊友話這樣不是辦法, 於是帶我們走捷徑
才可準時低達開餐. 今次又有人感怒而不感言;
在同一路上真的是要各施各法, 猶如八仙過海.