回鄉奔喪

 2011年3月17日

清明時節雨紛紛, 路上行人欲斷魂...咁又未至於此,

但也手忙腳亂; 話說晨早起來準備去做gym,

八時三十分電話響, 堂妹來電說其母走了, 即是我家嬸嬸,

希望至親出席奔喪.

因為內地的規定, 人一走第二日便火化了事;

嬸嬸早上八點走人, 我們當然要趕回鄉, 但每日兩班直通車,

八點的已來不及, 唯有坐下午一點班車回鄉. 車程要五小時啊!

過了佛山已近黃昏

好喇! 過西樵大橋了, 好快到家喇!

6:47pm終於到了, 親朋在家門迎接.

進門後向嬸嬸遺體上香, (原來是成個人放在家中大廳);

隨著同親人寒暄一番, 便去吃晚飯,

飯後要一大群人陪堂弟到河邊取水後, 我們才回酒店休息;

什麼守夜皆由他們的親生子女去搞喇!

一宿無話晨早起來, 吃過早餐又要趕回去上香,

上香後等棺木送來才有事做...我家的早屋啊!

 咁! 我就周圍影吓相先! 因為好少回老家, 雖然有屋有地,

 但都是由嬸嬸打理, 所以回鄉次數五指都夠數,

這次真的是長大後, 最清楚了解早居的情形的一次了.

  有一傳說, 鄉名鳳巢, 鳳巢發女不發男,

所以男的多離祖向外, 留在巢中的男多會變鵪鶉, 又幾準啊!

真喺見到好多鵪鶉, 而鳳巢內的女權高漲,

事實這裡的女人個個都可撐半邊天,

全鄉都是女人發聲, 個個都好本事的.

男人們雖然冇乜聲, 但喺佢哋好安樂啊! 傾吓講吓抽抽煙,

一日三餐他他條條, 你哋叻嗰d就做到一隻吼咁啊!

這是我家鄉新建的的門樓

門樓則邊...例有的土地社公廟

家門對出的一片池塘農地

中間是祖屋, 右手旁是新建的鄉公所.

祖屋對出是個藍球場、漁塘和農地.

祖屋分左右兩房人, 即我爸兩兄弟; 這邊是我們大房的,

這是廚房, 再後才是大廳.

屋高兩層, 下面是大廳, 廳後有一大房,

以前是祖母住, 只有長老才可住廳後房.

十二時開始出殯, 我們至親的要跟住副壽,

繞村行一團, 再去火化場;  

事後所有工夫都由堂妹自己一家及村中親友處理.

說也神奇在途中, 我嫂嫂的衣袖上竟然來了一隻荔枝蝽,

於是眾人立即舉機狂拍, 之後都唔肯走啊! 要我捉走牠才了了這段落.

親友說可能嬸嬸回來了~~~

隨著, 我們大房人都趕下午3:30分直通車回港;

從門樓出去坐巴士去直通車站.

在等車時有一南海燕, 站在我頭上不停地唱,

好像是在送別我呢?!

十多分鐘來到西樵山的白雲洞下車,

再走十五分鐘才到車站.

沿途看到西樵山的登吊車, 今次冇預備,

沒打算遊樵, 但日後一定要去一遊啊!

途經西樵山國際青年旅社

旅社對外的白鶴池

再看山下的園景, 真的好美啊!

從老榕樹直入就是西樵大洒店

來到中旅車站, 有好多賣大餅的店舖.

個個都話喺正宗, 但正宗的那間冇開門啊!

不理是不是正宗, 我都買了兩個, 店員說一開袋就要吃完,

因為冇添加劑, 好快變壞的. 我就是不聽話, 浪費了一半喇!