紫砂飯局

2009年12月12日

首先恭喜香港足球隊以4比2勝日本奪金.

我好少寫食的, 但食得好又要介紹吓喇! 

早前有老友從加國回來, 十幾年冇見, 難得見面

一定要招待一番啦! 貓貓問我去邊度吃, 我不作別想, 

一定是富來紫砂飯店, 因為我鍾意有在家吃飯的感覺.

那天打電話去訂位, 咁啱話事人話有好嘢食, 

於是這次我就食到我好想食, 又唔敢隨便食的魚呀! 

因為老板娘的面子, 好多時她識的一些漁家, 

打到好嘢就會交俾佢哋發板.

這一餐就使朋友吃到停唔口的美味佳餚喇!

飯店越來越多紅燈籠, 這是簡太的心血啊! 

是她親手做的.

這裡可以隨便參觀, 是一個小型的紫砂展覽館, 

她們是出產紫砂煲的. 用具都是古式古香, 

茶也不錯啊!

嚟料喇! 古法蒸龍躉鰭, 這是背部最滑

而厚厚的魚皮又好彈牙, 

除了蔥花尚有好香的陳皮, 重好夠骨膠原啊! 正!

一樣喺清蒸的青衣腩, d肉食落好幼滑啊! 

又喺停唔到口(我個friend)

這是涼瓜燜班片.

食到唔記得影o忝! 重有西蘭花炒球, 魚片蒸豆腐等...

是全魚宴呀! 好似重有隻雞冇興趣影喇!

一煲鮮什菌湯飲晒都唔記得影. 

一煲好似鮑魚雞粒飯, 一煲喺獵味糯米飯.

糖水喺送嘅...南瓜西米露.

我好少出街食嘢! 但要出外食飯, 就多數到這裡喇! 

錢唔好理多少, 但一定要喺新鮮, 味精要少, 

用料要靚, 我雖然乜都食, 但一定要健康有益為首要.

我唔會隨便出去食, 因為我有幾次味精中毒的經驗啊!