2009年9月25日

生日好唔容易食一餐

2009年9月25日
點解我話唔容易食一餐呢? 生日那天都喺諗住
在家求其整d嘢食, 點知細佬話有驚喜俾我, 
話請我食番餐, 好啦...我就問幾點行呀?
...六點出門...吓咁早?喺呀...要開車呢!? 唔...
好啦六點就六點, 時間到了出發喇! 
一路上夕陽晚霞景色都唔錯, 
點知高速公路大塞車, 放工時間冇計呀! 

塞完車已經用了40分鐘, 落到另一個市區Burbank, 
重未到呀?! 要上山區...喂!!! 去邊呀...細佬??? 
book咗幾點呀? 7點半囉! 這時佢攞住個i-phone搵路; 
天色越來越暗, 搵唔到就冇得吃了.
一路往山上去, 7時10分到了, 這所餐廳位於一個小山上,
四處都沒有其他建築物, 只此一家, 名叫Castaway
是一家出名食風景的餐廳, 日夜各有千秋, 
燈都唔多盞的外圍好黑呢!
叫人泊車俾幾蚊, 唔使煩; 看指示牌好清晰, 
鬼唔知咩! 周圍黑晒, 得個燈箱, 想唔見都難啦! 
這顯示了不同廳有不同景觀.
正門入口都拉上了一串串的5火燈泡, 看真d是一間
以木和麻石做的南非英式單層建築物, 非常古舊的.
哈...隨便穿都幾襯這間餐廳呢!!!
入到大堂放著兩套籐器的布藝梳化.
望望...屋頂的英國值民地色彩的風扇, 
睇電視殘片就見過...
我選擇了坐屋內, 真唔會出去喂蚊呢!
已有人訂了兩張長枱, 從窗外看到洛城夜景.
整座餐廳都充滿著原木風味. 好有懷舊feel啊!
我唔敢影咁多室內d相啊! 唔知d老外介唔介意, 
被人話就冇引啦!
今晚廚師精選, 只有是精選, 就一定保證新鮮呀!
這裡有樣好, 唔一定要食set dinner, 散餐一樣得o架!
這盞水晶燈是油燈嚟o架! 我好鍾意呢?
先來一塊藍莓包和一片豬仔包先.
跟住頭盆...煙三文凱撒少律
主菜...乾煎鮮帶子伴雜菜黃金飯.
最後廚師送上祝福的一片芝士蛋糕. 
好甜益咗michael仔.
我唔使半個鐘攪掂, 唔使我埋單, 
快些走出去影番幾張夜景先.
講夜景幾時及得香港吖! 
洛杉磯是平原一大片, 晚上的感覺好似
鋪咗一塊發光布罷了.
影多兩張近鏡...唔喺好掂, 太遠了.
綠色燈那一點正是環球片場
咁又過了生日喇! 都幾驚喜吖! 有西餐食噃!

沒有留言:

張貼留言

謝謝留言