銅鑼灣鵝頸橋打小人

2009年3月2日

吃過了午飯, 華姐拖著我左穿右插來到了時代廣場, 

我也是第一次拍到它的近照, 樓子的設計線條一流, 

只是附近的地方狹窄一點, 想想新年倒數時

站滿了人, 情勢非常震撼啊!

跟著走到街尾, 轉了彎來到天橋底向馬路走去, 

奇景就在眼前. 華姐說: 『我做掩護, 你快手喇!』

我真的怕被人發覺, 因當天不是正日, 

人不太多; 真的拍起來有點驚的呀!

看中一檔冇人想拍喇! 點知亞婆一陣風的

埋位坐了下來, 嘩! 好快速呀!

有沒有看到行人的無影腳, 好鬼異呢!? 

婆婆正忙著擺位喇!

突然傳來一陣陣的卜卜聲, 原來最前的一檔發市喇! 

有兩位靚女幫襯, 好快就聽到~~~打你個小人頭... 

看仔細點...地上按著的一條符, 上面寫了被打者的資料, 

可惜神婆好手快, 右上角隱約見到少少木屐的影子.

愉拍我真的好差, 中間兩檔...有一檔發市喇! 

另一個就食緊白果啦!

終於有人問價喇! 我不敢久留, 因有好多閒人

在眼望望, 唔敢再影下去了.

原來本星期四5號就是驚蟄日了, 驚螫的意思是春天到了, 

天地萬物都鑽出頭來, 一聲春雷響萬物皆驚醒, 

包括蛇虫鼠蟻, 它們代表小的, 小人也是小, 

所以當日民間就有打小人和祭白虎的習俗. 

因為驚螫也是白虎開口的一日, 傳說白虎開口必傷人,

 所以打完小人又用肥豬肉放入白虎口中祭牠, 

等牠有肉吃就不會一開口就傷人啦! 

傳說大概如此信不信由你喇! 

不過做人行得正企得正, 多說好話, 多點禮讓, 

和顏悅色, 自然就百毒不侵啦! 

身邊有小人!!! 唔使怕呀! 我撐你!!!