懶人餐

2011年4月29日

幾時都話食得越簡單就越健康, 看到我把所有肥

都去掉的人一定話我浪費的, 

因為我食肉肥一些都不會留的啊! 

這樣我就會食得心安理得; 有人話燒羊架 

冇肥點好食o架? 

話你知, 只要買對了好的羊排, 點做都好吃, 

當然都要識做先得啦!

今次一日內做了兩樣肉食, 因為行山迷路好激氣, 

我又冇食牛、羊好耐喇! 回家途中見到

大昌返貨好新鮮, 於是就入貨喇! 放縱一次咁多啦! 

這是一半的份量 

如果做菜請客或俾屋企人食, 就一定要做足工夫喇! 

咁依家得我一個人吃! 

梗喺做健康餐啦! 唔落調味我一樣吃得落o架! 

調味料就簡單喇! 味椒鹽、黑胡椒、咖哩粉. 

做法就更加簡單, 牛、羊都一樣, 

只是把調味料分別洒上, 份量均勻就得喇! 

掂到唔使掂o架! 就喺咁等十零分鐘就得喇! 

燒熱個鑊不落油, 放上去先煎一面三分鐘. 

再第二面又煎三分鐘 

再這樣煎兩邊至金黃 

再猛火加熱煎黃少少就ok喇! 

再灼些青菜不用落油, 但落些少糖, 

菜會綠些, 又唔會有菜青味. 

飯是發芽米一早煮好, 咁就完成了; 好好味呀! 

羊架又正, 牛筋骨一樣咁正; 真的買對了好的食材, 

唔使放乜配料都好好食o架! 

我重買了兩盒桑梓, 在飯餐前先吃, 又補血又養顏, 

專家話飯前先食水果是最有益的. 

桑梓每年只有幾日有得買, 見到一定唔好放過.

香港真喺好乜都有得買, 想食乜都得啦!