最後的木棉花

早前外出, 留意到附近的木棉花, 全落了;

幹嗎? 落得如此快, 也就是沒有半點聲息.
好彩在之前拍下幾張, 也算是告別照呀!!!

最後的紅棉 (木子)

一陣陽光一陣雨, 一層雲霧一層霾;

百花先後迎春放, 紅棉結子待來年.

山邊隨拍

今日行過山邊, 隔住個鐵絲網,
都俾我發現咗啲細細粒嘅三角西番蓮,
啲花細如白豆, 我用手機影,
好難影得好, 好在都拍到放大的一張.
最勁係筋杜鵑上的一對紅耳鵯,
卿卿我我的唱到鬼咁大聲.

散步

此徑在鯉魚門天后廟則有小路可直上,
到了大路可選擇再上或落山,
我就一定落山啦! 再上我會爆心喇!
落山後順路行去茶果嶺道, 看看金木棉,
今年開得不理想, 可能接近尾聲, 有點凌落; 

再沿路行去地鐵站, 路上行人少, 正合我意呀!!!

紅花風鈴木

冇影幾年喇! 再影都係差唔多, 冇乜新意!
看來翻炒都係如是!

紅花風鈴木的簡介:-
（Tabebuia rosea）
紅花風鈴木樹冠廣，分枝稀少。
樹皮灰或棕色，皮孔垂直縱列。
葉為掌狀複葉，由五片複葉構成，
會落葉，中間一葉最大。
約一月至二月開花，花紫色或粉紅，

葉落盡後方才綻放。

鳥愛紅棉

行山我就冇本事行喇! 好在推開窗就見紅棉;
一有好天氣, 樹上鳥聲不絕, 可是...
沒有一隻未見過的, 全是日日相對如朋,
都好...好過冇, 由其是八哥、白頭鵯紅、
白耳鵯, 牠們的歌聱猶如市集, 得個嘈字!
唱得鬼咁大聲, 有牠們在長期不用鬧鐘了.