金山行

2008年9月16日

星期一隨行山隊前往下城門水塘區往金山出發, 

是日天氣非常晧熱, 

但也有陣陣金風, 沿路上有講有笑, 我最愛拿隊長

這個老人家開玩笑, 今次我又在他後面抗議佢行得快, 

又唔等人, 叫人休息一會, 但自己又沒有停下來;

總而言之好好玩, 今次行得好開心呢?

要跟著紅點指示行啊! 隊長話未必, 上到山上有好多路可自由選擇.

隊長一馬當先, 我又是最後一個, 每次都喺那句話: 唔上得唔得呀...

回應是: 你自己番轉頭啦! 兩邊都是一樣遠o架! 嗚~~~

好不容易上到山崗上, 隊長帶我們去看戰時留下的戰壕和地道...

山上有很多地下通道; 這是戰壕的防空洞.

又走到另一個小山崗上, 又發現這個好似坑渠的東西, 原來是相連的戰壕通道, 

用來通風的, 好深好深, 我叫下去還有回音.

上到高處眼看荃灣區今非昔比; 以前只有菜田, 現在已成了石屎森林.

環繞金山一圈後, 回程必經下城門水塘太美了, 平時只是深谷, 

但經過幾場豪雨後, 水已經滿溢到快要洩洪了.

再走回上水塘區便可乘車回到荃灣午飯了.

重有小小花世界在下一集呀!...