2008年3月3日

遠足踏出第一步(東涌至大澳)

2008-3-3
陰晴有煙霞, 但卻是行山的好時機,
當天一行眾人在九時出發, 沿東涌上山經潵石灣、
沙螺灣等地, 向大澳出發; 雖然一路上都是有煙霞,
朦朧望遠景, 又有另一番感覺, 行友一路取景,
時間確實用多了; 用了五個多小時連中途休息在內.

 去到大澳已經兩點多鐘, 適逢星期天大澳特別多遊人, 
弄到水洩不通, 只好集合眾人
趕快上車回東涌開飯, 回到東涌已經四點,
匆匆吃過午飯便曲終人散, 回到家已經六點多.

經過一輪梳洗, 人已累到想死,
問我食唔食晚飯, 我都冇氣回答了;
什麼肥肥追思會也提不起興趣去參與;

倒頭便睡到今晨十一時, 妹妹竟然話請我吃午餐,
又唔錯噃! 真係有養豬的感覺, 食飽就玩,
玩完又食跟住就瞓, 都幾唔錯嘅.

今次我都有影o左少少行山時的照片,
放上一些給大家品評一下吧!
東涌公園起步點; 遠望360吊車.
相信這便是東涌吧!
第一站侯王廟
途經潵石灣荒廢的學校
途經無人管理的桃花園

遲些有桃子採摘
 桃花園旁邊的竹林

大樟樹就在對面山中, 它不是我們今次的目的地, 冇去.
又一間荒廢公學
 有發現, 經專家證實是真品.

廢木長出的木菌

沙螺村也有蔬菜出售, 七元一斤魚翅瓜.
 村農的虎頭蘭.

這是什麼花呢? (筏兄話: 這叫紅合歡) 
個名好正, 見到都高興. 
 遲d有蕉食.

我從朦朧處行到這裡, 只走了一半路, 好攰呀!

終於到了大澳水鄉

大澳的關帝廟 
影完這張就回程了, 拜拜!

沒有留言:

張貼留言

謝謝留言