2011年7月28日

海上奇石大觀

2011年6月28
今日不打算上載北京之旅了, 
因為昨日去了遊船河, 
本來行程是先到塔門行山, 再到荔枝窩睇奇樹, 
然後到吉澳吃村菜. 點知上船後滂沱大雨, 
迫得取消塔門行, 好在到了荔枝窩好天啫!
冇得去塔門, 船長便利用多餘時間, 
帶我們到印洲塘一帶水域睇奇石, 
好多以前未睇過的, 今次大飽眼福喇! 
唔好眨眼喇!
這是糧船灣的副壩貼著的一條沙洲, 叫劍洲, 
因地型由大至小的伸出海中, 好像一把劍而得名.
沿著西貢海出印塘洲, 在出海口處見此奇石, 
好似一個骷髏在看海啊!

一路上沿海都會見到紅色的岩石

「黃竹角咀」
這塊人人都叫它做牛排, 細心看在血紅的
牛肉左手邊的石腳下有一舊...

鬼面石似到離遠都覺佢存在, 重眼超超o忝!

在同一塊牛肉中間的下方, 再出現一樣嘢...
鬼手岩...真喺好多邪嘢睇o架!

在鬼手行過d...居然有個佛掌瓜, 妙啊!

船長好努力的帶我們尋奇; 這是蝙蝠崖,
導賞員話隻蝙蝠痾到成身屎, 中間點點白色就是.

這個小山又喺唔嘢小! 行過d有個洞口觀音.

導賞員鬼襟肉緊, 喺都要車埋d去睇...呢!
右手邊貼住洞邊, 頭飾白長袍呀!

我重眼利啦! 另一山洞的左邊,
有張外星人的面啊! 額上還有尖角o架!

洞中神鏡啊!

是日風平浪靜, 這隻史立莎狗狗在看海景啊!

原來石狗耳下穿咗個窿o架!

睇真d喺神龜出洞啊!

又發現一隻小龜落水

再遠些大海龜都出來了.

來到另一座山, 大家都來探吓憂鬱和尚.

他真的為世人擔憂啊! 終日愁眉不展.

我又見到嘢喇! 導賞員叫我加多d幻想,
就會好多嘢睇o架喇! 加幻想~睇左手邊堆嘢?!

成堆骨頭堆埋一齊喇! 好驚呀~~~

這個北京猿人石啊! 牙都見埋o忝!

海牛落水...似唔似呀?

老海牛游完水梗喺要上岸抖吓啦!

這是鴨洲喇! 船在兜一個圈, 俾我哋睇真d!

成隻燜鴨放上碟

來一個正面, 上面還洒滿蔥花.

再來一個大特寫似到不得了啊!

奇實石的名都喺估估吓! 不過又真喺幾似的.
下一篇不如睇埋荔枝窩魚籐和奇樹吖?
「北京遊真喺有排講o架!」