試茶

又有禮物收喇! 腳傷不能遠遊, 但我老板就北上杭州公幹,

在順利落下訂單後, 臨走前, 廠家均送上大禮!

但佢又不愛此道, 結果三大禮盒全歸我所有.

上年我在杭州也有去試茶, 但買不下手, 價格非我能花啊!

今回面對精品, 梗喺立即展開驗貨喇!

據說: 西湖龍井茶能清神益智，有獨特芬芳。

據測試，龍井茶所含的胺基酸(抑制血壓上升)、

兒茶素(預防衰老)、茶多酚(瘦身)、葉綠素、維生素Ｃ

(預防感冒，美肌)能清腸利尿，清香口腔，

功效多於其他茶葉，對人體健康特別有益。

一盒鐵罐裝未試

兩盒大如公事包, 包裝好正, 但覺有點唔環保.

我捨不得把盒掉棄, 這樣家中又多了兩個盒?!

成個皮箱咁啊!

如此裝潢真有點捨不得打開啊!

這個瓷器足可放半斤糖, 但茶葉就只裝得四兩.

我鐘意個瓷罐多d喇!

打開已聞到陣陣葉香這算是上品喇!

片片好完整, 似刀片咁薄o架!

從資料得知龍井茶不僅具有"光、扁、平、直"的外形特點，

而且還有「色翠、香郁、味醇、形美」四絕的美譽。

其外形扁平挺直，前端尖削，長短勻整。

色澤翠綠微黃，品質特點是葉直扁平，光滑勻齊。

而且香高氣爽，香郁味醇，卻無依烈之感，清香持久。

湯色碧綠明亮，滋味甘醇鮮爽，並具有微甜的餘味。

全中啊!

又話一芽一葉初展，芽長於葉，長度1.5-2cm.

差不多少於一吋好對啊! 是一級春茶.

浸開後見得更清楚, 一芽一葉又中呀!

又話8-90度水沖之為佳, 先浮後下降, 都掂啊!

茶色清潤, 入口回甘. 我這個初哥咁就玩咗成個鐘.

試玩完就梗喺要拎個靚壺來沖一啦!

資料說沒錯頭泡較濃，二泡開始淡、三泡無味。

所以龍井茶以三泡為佳，精品宜慢慢品嚐。

今次有好茶收, 本應好開心o架! 但又話龍井喺綠茶,

唔可以久存, 要趁新鮮飲, 好在三泡就冇味, 都會好快飲完.

但喺一旦愛上了, 又買唔起, 咁以後就心思思囉!!!