長洲飄色隊小朋友的天下

 2011年5月15日

飄色來了, 但要講講何謂飄色先...

飄色源自於長洲居民, 扮成神明出巡, 驅除瘟神的習俗，

如今演變成小孩裝扮成神明或古今人物，站在支架上遊行，給人一種「凌空飄然」的視覺效果=(飄逸)

演出的兩位小朋友叫(色心), 上位的叫上色, 下位的叫下色.

上色連接下色的小鐵枝叫(色梗).

用來運送小朋友遊行的工具叫(色櫃).

相信這樣介紹, 夠簡單又易明啦!

這隊健康第一

小朋友好可愛又夠定啊!

好靚女啊! 她是第一位進場的甜妹兒.

第二位一樣可愛的小村姑

我站的地方是第一個集合點, 一定會停留一陣的, 

所以前面出路未通順時, 他們又會停下來等.

小妹妹聽我叫立即轉過身來, post擺得不錯啊!

這個反應是有人大聲叫佢啊! (咁冇禮貌o架!)

公主與附馬

幾辛苦都會報以笑容, 又一個明日之星啊!

觀音大士出巡喇!

西太后話要起錨喎!

陰公咯...頂帽太緊喇! 整鬆小小會好d呀!

這位中西合壁上身穿甲, 下面是西裙???

你們有看到一個叉呀? 這是久不久給小朋友扶著來保持平衡用的啊!

諷刺日本核危機 -人人盲搶鹽

這個好似是諷刺那些地產奸商! 

下面的小朋友手持雪茄好有型啊!

小朋友是辛苦, 其實他們的父母重辛苦, 

又要扇風又要打傘, 重要拎丫叉, 跟足兩小時啊!

天后娘娘擺駕喇!

大石壓死蟹又唔知諷刺邊個喇! 

下面個網真喺有隻蟹被壓住o架!

一旨錯 - 諷刺政府下錯旨意, 富人日日鮑參翅肚, 

窮人好多等嗰六千蚊, 到依家都未到手?

 

小子工夫了得啊!

財來自有方 - 小財神邊行邊拋糖啊!

看這位讀書人幾有氣質呀!

楊門女將 - 八面威風

家長們邊行邊扇風, 真喺拎起件衫嚟吹o架!

各位有禮, 我喺小型的莫桂蘭.

女權 - 好多擁壆啊!

請看(上色)幾咁勤力呀! 而(下色)這個二世

正在沉迷打機啊! 太失禮喇!

最後邊個夠我威, 全場最小的旗手來了!

BB你幾大呀? 媽媽話兩歲呀! 看她多神氣啊!

我要企直直呀! 我喺持旗手嚟o架!

我站的位置是隊伍剛起步轉入的廣場, 那時侯小朋友

的表現是相當好的, 當她們行過之後, 我哋就睇完喇!

但遊行是繼續的, 還要行個多小時, 經天后廟總看台才算完滿.

不說不知, 我吃完了下午茶出嚟, 佢哋重行緊呀! 有些小朋友喊哂口! 俾雪糕都唔要呀! 話要落地.事實上在32度高溫下, 真喺好難頂o架! 因為她們有些要穿上四件衫仔o架!