L.A.西來寺內望.

2009年10月16日
睇完建築群, 又來睇吓四周的設置啦! 
在正牌坊的左手邊是一處山坡, 山坡的設計好新穎呀!
 用了現代手法的石雕的小和尚好可愛, 
使人感覺到學佛是活潑的...

是消遙自在的...

也看到襌定的安寧...

襌, 就是平等, 沒有分別對待的心, 才能參襌.

襌, 就是尊重, 懂得尊重包容的人, 才能悟襌.

在上斜的路旁也豎立了健康十式的動作小和尚...

使晨運客有樣學樣, 學佛也得要體健啊!

則邊的入口處也有兩個歡迎小和尚呢!

在大雄寶殿的兩翼, 先說左翼的十八羅漢, 早兩年未有的.

遊客就是很奇怪, 見到有水的東西, 就拋錢喇! 世人是何等勢利啊!

再靠左邊走廊而入, 在書室旁邊放滿了不同的佛像各雕塑.

這座古樹根達摩像我最鍾意喇!

在這裡想唔批評一吓都忍唔住喇! 寺內地方本來好通爽的, 就是d人個個有錢唔捐, 佢哋捐埋d佛像呀! 石雕呀! 用來種福氣咁話; 寺院又來者不拒噃!? 就搞到d通道都放得滿滿的...

等大日子到就攞出嚟競投! 到時又變回是錢了, 但是多到有點俗氣!

書局旁一樣放滿好多善信捐出的小和尚.

這座好似是仿古的四馬單車, 給玻璃圍上了, 那些遊客凌空也拋過不停, 喺真古董就大劑了. 

星雲大師的雕像

好了又轉到落右手邊, 是觀音講道啊! 龍王求道啊!

有四大天王護法又有金童玉女, 好圓滿的構圖啊!

繞了一圈要離開時, 兩邊則門的正中也

放了一尊佛送客啊!

點呢! 睇完有冇眼花花呢???

再聽埋隻佛歌你會好舒服o架!