2011年3月9日

今次行山出事喇!

 2011年3月9日

大埔松仔園都好幾次喇! 我就是從不認路, 
只跟大隊,又掛住影相, 又喺大落後嗰個, 
總知多多事幹. 今次真喺出事喇! 
話說...落了車便直上松仔園 = 大埔滘自然教育徑.
直上靠右便是觀鳥區, 當日留了頗長時間.
但是這天的天色灰暗, 沒有收穫便再往山上走, 
兩小時後到了中段, 稍作休息後再出發.
點知行行吓! 其他人呢? 回話: 唔知啊! 
這樣才發覺我們五個老弱殘兵是大落後呀!
在山上電話又不通, 最怪的是我試打了一次就算了, 
應該找地方試多幾次先啱吖?! 今次真是大錯特錯, 
唔知邊個最錯???
咁多條路行邊條呢? 又有人說石上有指示啊!
咁就大劑喇! 原來睇錯人家的指示...
就是這樣往山上走了, 是不停的上斜啊!
隊友問我有冇想抽筋呀! 咁又冇喎?! 
冇就行快d啦!  哦!  好呀! 我又加快腳步往上爬.
來到這裡好大塊石啊! 要繞過去再上啊!
走了一小時來到了(林道)即大馬路則, 
隊友話不如上馬行啦! 我就說: 好似上馬路
便行去城門喎! 咁遠...隊友就話...隨便你喇! 
橫豎都喺來當還路債囉?! 答得咁怪?!
知道有問題又唔制止我! 咁我又繼續行山路喇!
我想隊長講過, 這裡的路都是繞著個山團團轉的, 
最多是轉回起點! 沒什麼好怕喇!
行行不覺來到指示牌前, 不知怎樣行, 
直覺是我從黃路到這裡, 不再想依黃線行喇! 
於是又走啡路, 好似短些啊!
於是靠左上山, 本來有位人兄識得路的, 
他又沒有反對, 橫豎行山點行都得啦!
點知就喺咁樣...就圍住個山行了一個大運
足足走了兩個鐘冤枉路, 來到這裡見到光喇!
終於出到大路, 以為甩難?!
唔好咁開心住呀! 重要行成個鐘o架!
始終都要走林道, 這是不聽人講的後果.
最激氣的是沒有走出山呀! 出了大路不久
又返回迷途的起點呀!? 救命呀!!!
最後決定同大隊分手, 各奔前程. 因為這裡有條
最近的小路去火車站,  但是都要行9個字呀!
好快便走到豪宅區, 過了對面就喺火車站喇! 
咁都冇咁驚啦! 重去食埋飯o忝!
經此一役後, 我要學會看山徑的地圖, 發誓每次
都要問清路線, 我承認我太依賴了; 這次得到教訓, 
下一次絕對不許再有此事發生!
同行的...並沒有以他的經驗來制止我, 
好等我得到一次好好的教訓, 這樣便會自我提昇, 
用心良苦啊! 我這想想是正路的, 要多謝才對啊!