簡易靚湯

2007年12月18日

天氣轉冷但又乾燥, 日日對住部電腦真係手指都乾憎憎,

 今日靈機一觸, 成日聽人講什麼蜜瓜煲雞, 

我覺得雞會燥一些, 同時好多時有少少感冒

又唔知o既人飲咗雞湯就大件事喇!

我建議改用瘦肉比較穩陣. 又滋潤又養肺.

材料:二至四人份...瘦肉十兩.

蜜瓜半個.  (要生一點的, 太熟容易煲爛)

紅蘿蔔一大個. 南北杏五錢. 蜜棗三粒.

做法: 先把瘦肉飛水備用; 煲滾十五碗水, 

然後把湯料全部放入煲內, 大火再滾後轉中火, 

半小時後轉慢火, 大約二小時即成. 

然後依個人口味加入些少鹽便可.

07年的工展會

2007年12月14日

 自從成了三高人士後, 恐怕會在街上再發瘟, 

一直不再敢獨自上街去, 今天真好, 有兩位同學

約我去看工展會, 太好了. 假日怕人多, 

像今天就不錯啊! 不會太多人, 進場後眼睛看到的

都是香港的原創廠商品牌, 

好有親切感, 還拍了不少照片跟大家分享.

9號的工姐夠漂亮高大吧?

中山小欖菊花展

 2007年12月13日

看完Honey老爹的中山小欖菊花展的照片後, 

後悔沒有跟他一起北上, 照片太美了, 

也顯示了老爹的功力, 所以決定上載供諸同好欣賞.

聖誕樹

　 2007年12月12日

今早回到Gym Room看到大堂的聖誕樹

已經立起來了，我想今天回家也要把樹弄好，

其實一切都預備好了很久，只是懶惰提不起精神，

可是對住個blog又不一樣，結果二個小時後

大功告成，現在就跟大家分享吧！

又係講食日本嘢!

 2007年12月10日

今日又去咗神田食午餐, 點知店小二話午餐

冇特價三文魚, 我就回應說: 我唔理一定要食

唔好同我講錢, 廚司微笑著同我打手勢, 

即係話ok啦! 

跟住我朋友問係唔係有種魚叫鱆紅, 店長豎起

大姆指說: 正. 但貓貓話唔知收幾多錢, 我說好食的

就要試, 管它的...就來一客吧! 我好大食o架, 

兩樣唔夠飽o既, 又點多一樣胡麻汁拉麵定食, 

今餐太好食了, 除了三文魚, 其他兩樣未試過, 

埋單128.元, 唔知有冇計錯數, 但店長話冇錯. 

我還約了星期四去試菜, 下次特意唔點菜, 

睇吓佢俾d乜我地食, 有興趣就來啦!