2014年8月18日

南生圍

收到消息話去行南生圍, 好好行一條直路, 
所以便參加了. 
自從修改了道路之後, 好耐都冇行呢度喇! 
一切都好陌生, 以前同父母去玩, 
好似一落車行冇幾遠就喺桉樹步道, 
依家房屋多到睇唔見個圍, 
只見一條大路圍住南生圍而建, 
一路上就得一個行字. 
昨日突然好哂, 這裡氣溫在中午有成30度, 
我只見遊人乘的士或自駕進入, 
一路上只有我們八個人乾哂呀!!!
早上八點乘地鐵再轉西鐵, 又等吓隊友, 
終於十時可起行喇! 在元朗站出口面向東方直行...

借來一張單車路線圖, 原來我們就是這樣圍住
行了一大圈; 果唔影相的話, 兩小時就行完了, 
可是我們用了四個鐘有多, 出到尖沙咀2點幾才食晏.
步出車站行不遠便看到這村的牌坊.
這個五和牌坊一邊向東, 一邊向西的.
過了五和坊又行到另一條村, 
一入村便見這一間未開門的飯店. 
再行幾部有料到喇! 
見到兩部英國名車, 五顏六色... 
有人說: 這裡是周啟邦夫婦的住處啊!
又行過少少, 又見新村牌樓落成了. 
十八鄉東新黃屋村所在.
村中古榕, 綠葉成蔭, 好大棵啊!
出了村行了一小時左右, 見這三叉路...
大聲問後面正打雀的隊長行邊條呀???... 
原來是靠右入蠔洲路直行.
又過了一小時, 成條路未見盡頭, 真喺又熱又曬呀!
中途我進入了一個小店, 飲汽水降溫... 
掂到了圍邊喇! 沿路有好幾間店是為了做
遊客生意而設. 我冇拍呀! 因為唔多感興趣囉! 
過了河的紅樹林就快到了.
遠遠處有些少白鷺和黑面琵鷺, 數目不多啊!
終於來到圍邊小休...
這裡的草地好多, 見有人扎營、放狗、
放飛機等活動...咁曬! 我冇心機拍呀!
心裡只想快點行完離開就好了.
休息完, 大家都未起行, 我先行喇! 
好失望這裡再沒有稻田, 河水斷流, 農地荒廢.
以前桉樹旁便是大馬路; 依家什麼也不是, 荒蕪一大片. 
一切都喺自生自滅咁款啊! 我問了小店的肥媽媽, 
她說全部水都是天水. 即是話魚塘沒有活水出入, 
一切都是廢的了. 
田中盡是野草叢生, 我就不覺得是美景了. 
過了這叉叉樹, 好快就出到渡頭了. 
小小的渡艇每位收6元...單車另計, 動物又另計.
不用三、四吓槳便可扒過對岸, 如每轉十人, 
即60元一轉, 假日一天人流咁多, 嘩! 好好賺啊!

沒有留言:

張貼留言

謝謝留言