步步高昇話蒸糕

每年指定動作蒸糕, 寓意步步高昇, 

最簡單做蘿蔔糕囉! 我好懶o架! 

每次都喺六斤蘿蔔一包粉, 再加一兩太白粉, 

一次過做兩底就喺咁喇!

四寶喺...大干貝8粒, 冬菇十隻, 

肉腸三孖, 蝦米一兩.

用浸過的干貝和蝦米水齊煮至淋身便可, 

今次些把蘿蔔砌粒, 這樣較有咬口.

炒定d芝麻作洒糕面用, 

剩下的炒餸食麵落都好用o架! 

 四寶分次序落鑊炒!

 先爆冬菇炒到乾身, 再落臘腸, 

最後落埋其他兩樣, 炒到乾身便可.

 蘿蔔煮好放至半涼落粉搞伴好...

再落埋d料就可以蒸喇!

 鐵盤這底大火蒸一小時後ok喇!

 膠盆這底較厚蒸多15分鐘都ok喇!

 由頭到尾三個鐘搞掂喇! 

芋頭糕...制法更簡單, 先將芋頭砌粗粒, 

加入適量的水煮到半熟, 格水留用, 

落鑊爆炒, 加五香粉、盬、糖、胡椒粉少許, 

用水開適量米粉, 調成麵糊狀, 

然後芋頭平均舖在糕盤中, 加入米漿至平面, 

大火蒸個半鐘, 即成.

 食時煎香洒上芝麻, 便成芋頭黃金糕喇!

 食咗兩件後, 口感唔錯, 芋頭多過糕粉. 
這是我的要求, 鍾意芋頭多過D糕粉啊!

祝大家步步高昇, 馬年大旺啊!