2006年9月3日

泥水佬開門

 2006年9月3日
       
        看到外國一則新聞, 話說荷里活十大美人之首的 Julia Robinz 的化妝師話, 三十六歲的她已是昔日黃花, 整容免不了. 看見這消息後, 心中浮現出一些男士們的對話, 都是我從同事, 朋友的口中得知, 每次我都會給他們還擊. 實在太離譜了. 我點會聽到? 因為他們早把我視作男人, 我聽過後就算, 從不向反方搬弄. 但寫 blog 又唔同, 佢地一定唔知.



        我氣就是氣在他們太愛作比較, 但又無自知之名, 目中無人. 有些講老婆, 有些講女友, 身材樣貌無一不談; 細聲講大聲笑. 又話最好個老婆身材像二十, 思想似三十, 勤儉似四十等等. 又話女友最好隨傳隨到, 唔好 check 住晒的話. 我好多時冷眼看他們, 靚仔的指數低於70%, 身材? 年青時個個都好, 但那些已界中年或已過中年的還在大言不慚, 我就頂唔順喇.


         年青人每個都是外貌協會會員是無可厚非; 但那些家中有兒有女連亞爺都講埋一份, 還是埋怨老婆變形, 就真係冇道理, 良心可在, 都為你生下成群, 想唔變都幾難啦! 甚至有些還婚外情, 有聲有色向人炫耀, 有幾好幾正. 我呸! 那是要你的錢, 唔係同你講心呀! 傻瓜! 勿以為身邊抱住個靚女, 就可以從拾青春, 簡直是自欺欺人. 行轉面一樣被人話死蠢, 到頭來死死地氣爬回家扮大爺. 倒茶遞水又係個老婆做, 真是生出衰格, 只識欺負自己人.
        
       我重有話說, 要是你們的老公或男朋友, 話你們身材怎樣怎樣, 先看清楚對方係唔係真係比你 fit 好多, 是的話自己都要檢討一下, 如果比你差的話, 而又口出狂言, 一定有異心. 一於冇情講, 就算是五五波, 一樣要打擊他們的自專心. 我變時你也在變, 大家彼此彼此, 最好沖涼時照鏡照清楚啲! 唔好講那麼多歪理. 先證已而後證人, 做人先要問良心至好. 記住呀! 講此番話時千祈唔好勞氣, 要慢條斯理, 講完就靜觀其變, 留意日後行為. 我敢言他們一定冇得反駁.


         
       事實就是事實, 我總不信男士們會長春不老. 老婆變形, 難道他們一點不會變嗎? 其實男人老了的心情比女人痛苦百倍, 如果夫妻間有溝通還好, 彼此相就, 假如不坦白又諱疾忌醫, 又睇唔開的男人, 除了用錢買假青春外, 其實心中的惶恐真是比死更難受.
        
       在我接觸中對太太或女友非常忠誠的也有, 不過好少. 其實有內涵才是做人的先決條件, 又可必計較樣貌和身材呢? 在親情上的精神戀愛才是永恆的.

沒有留言:

張貼留言

謝謝留言