2015年4月16日

鐘花櫻桃

最近除了紅、黃風鈴木大熱之外, 櫻花也一樣大熱啊!
長洲那邊已落哂喇! 但將軍澳單車館公園內的
六棵櫻花就越開越靚,近日六棵全盛開,
當中兩棵更開得特別燦爛,又特別粉紅,
吸引了不少遊人觀賞拍照。
所以我趁平日冇咁多人, 又下午三點出動, 
以為人一定唔會唔多...
點知一樣插針都唔入, 好在有支部萬能機在手, 
唔使加入人群聞汗味。
半小時拍完走得喇! 跟住就四圍睇睇, 地方真喺好大呀!
鐘花櫻桃(Cerasus Campaulata) 
科名:薔薇科(Rosaceae)梅屬(Prunus) 
別名: 緋寒櫻、緋櫻(臺灣植物志)花櫻桃、
福建山櫻花(中國樹木分類學),鐘花櫻、山櫻桃.
科名: 薔薇科梅屬的落葉喬木,又名山櫻花,
與桃、李、梅、杏同科,是每年最早開花的品種,
花開時候三朵一簇叢生,像吊鐘般下垂,形態可愛迷人。
用途: 庭園觀賞用:庭園樹、行道樹、花材和盆栽觀賞。
花果是鳥獸的食物:鐘形花冠筒中富含蜜汁,
核果紅熟時亦具甜味,均為森林鳥類之重要食餌;
果實也是松鼠喜愛的食物。
藥用:性味:果:苦、甘、平。葉:鎮咳袪痰。