荃灣大霧山郊野大欖林道-元朗雞地.

2012年2月28日

春天來臨, 咋暖還寒, 唔做運動真喺好難升溫啊! 

行山就最正喇! 出一身汗, 成個人都醒神哂! 

9:30分由荃灣如心廣場乘巴士上大霧山郊野大欖林道, 

今次路程長, 相片太多只好斬件上, 我真的不想放太多啊! 

因為相片超過20張, 一來浪費資源, 二來睇都會好攰o架! 

9:55分起行, 一路上風光迷人, 我又例牌大落後喇! 

一路由大欖林道上行; 一小時後, 

行到半山腰發現一隻箭豬屍體, 

腹腔被食空了, 還見到滿地豬箭, 相信是發箭後筋疲力盡 

給野狗或野豬食了. (下圖)

看完豬屍, 我還執了三支箭留念, 叫豬豬好好上路後, 

又給路上風景吸引住喇! 日後又有靚景你哋睇喇!

行行不覺原來隊長今次帶我們由蓮花山上再落河背村, 

最初我以為過蓮花山落荃威花園啫! 哈哈! 邊有咁短路吖? 

啊! 蓮花山這段路不難走, 但好長啊! 在山中上上落落.

有人行到要碌衫喇! 走過這段便到山頂喇! 

原來山頂不知何時已舖好一段新石路 

可是走不到半小時又要行泥路喇! 

遠望群山又有大地在我腳下的感覺, 開始落山喇! 

小心啊! 碎石路好滑呀! 末段如果沒有這扶手, 

咁就要執住d樹仔嚟行喇! 好在有囉! 相信在年尾蓮花山 

新徑會完工, 現在只做了小幾段. 

這時下午1:15分, 來到了小溪旁, 終於可以休息半小時喇! 

休息完又要繼續行程, 行了不久, 前面幾位靚女指指點點 

話這裡好靚, 又話要拍倒影, 咁就一齊攞景啦! 

事實清快塘這邊又幾清幽的啊! 

行行重行行這路段都好好行啊! 

用了半小時出山喇! 我唔識路就滿心高興以為行完... 

1:43pm一問之下要行去河背引水道落八鄉啊! 

睇吓成隊人行到散就知路程唔短啊! 起碼還要行兩個鐘啊! 

過了田夫仔再向前, 3:10分望到八鄉喇! 

跟住搵到引水道, 這裡我識路呀! 一個人行都冇問題, 

因為今次有人慢過我喇! 

3:15分見到河背村, 但要落山行完(圖中)的之字路入村. 

有冇睇到對面知山被劏開咗呀! 咁就多咗條新路喇!

出到元朗雞地已下午四點了, 好在有快馬先到酒樓叫定 

粉、麵、飯, 我去到酒樓都熄燈喇! 速速吃完回到家中6點喇! 

行足六個鐘, 唔計來回車程, 我這日離家十個鐘. 夠哂皮喇!