2011年8月8日

碧海藍天

2011年8月8日
上星期六, 妹妹和我一起出海啊! 大清早來到了西貢,
吃個早餐, 見時間尚早便四圍行吓!
眼前看到的都是藍天白雲, 不拍白不拍,
一於來幾張西貢碼頭的景致先.
等待接人的遊艇泊得滿滿啊!
藍天下新建成的碼頭...
即是話, 現時有兩個碼頭啦!
這隻船是免費接送去滘西灣高球會的.
還有在海面上浮著未收起的龍船
我等呀等! 原來出面大塞車, 全人類遲了一小時,
終於都開船喇!
我一路上都沒有拍攝, 因為玩集體遊戲囉!
船行了大約一小時多些, 便駛進了大蛇灣.
啊! 好多遊艇都到了, 我們真的太遲喇!
人人都霸頭位, 我們只好在外圍啦!
從這裡直望是大浪灣、北丫、浪茄等地.
因為遲就近近哋在大蛇灣吧!
岸上的兩間已荒廢了的屋, 船家話其中的一位業主是汪姐,
只做了三個月蝕大本; 船家話亞姐c好命再轉讓成功,
賣給一位外籍商人, 點知做唔掂,
現在長期丟空, 好慘呀! 血本無歸啊!~~~

我游了個多小時, 船主叫開餐; 於是上船開始又拍喇!
看見遠處可憐的小狗, 硬給主人拖下水?!
c都唔過檔...撐到直呀!
小黃: 哇! 你得唔得o架! 你用水泡喎?!
 跟你冇著數! 我要跟男人至夠安全d呀! help!!!
小黃: 啍! 睇你點上水, 快d爬唔俾佢好攪我呀!
結果坐住爸爸個pat pat最有質感呀!=v=

 
喺唔喺呢! 話口未完就翻咗喇! 好彩我冇份!
飯後繼續暢泳; 看我們在水上排龍啊!
好快又到曲終人散, 行得快好世界!
艘艘船都開足馬力, 因為遲了會排好後, 等上船就麻煩喇 !
日落就是這樣醉人
從船尾看看...我們不會太落後啫!
34度的高溫下泡在海裡, 真有說不出的爽啊!
每年我妹都益吓我o架!

跟住重晚飯直落, 正!
Thank you Cindy my dear Sis.

今日8/8日 立秋 喇!