2015年9月30日

2015的超級月亮

咁又過咗2015的中秋節喇! 踎咗四晚街都值得㗎!
今晚影影吓好多老人家經過, 他們都叫我多影幾張呀?
十八年後先再有喇!
我回話: 好呀! 但我影的時候唔出得聲回應,
唔好意思呀! ...冇所謂拍多幾張, 好難得㗎! ...哦!
成條天橋企了十幾人, 大家都好靜,
影完走吓一個走吓又一個, 一陣就走哂喇!⋯⋯
跟住回家寄哂俾D親友, 搞完一大輪; 咦! 電郵又響喇!
接埋美國西岸通訊, 寄來紅月亮, 又平添一份神秘感啊!
等到完美才放上都算係咁喇!
祝大家佳節愉快!

2015年9月29日

2015尖沙咀鐘樓彩燈會

好夜喇! 影過彩燈影又埋月亮, 回家後,
上載埋上FB, 可以睡喇! 一個中秋就這樣過了.
好在月蝕在亞洲看不到, 唔係又要等通頂喇!
今年的主題牌冇睇到, 但看見都好貼題的, 有嫦娥玉兔、
彩雲月亮、富貴花等... 今年最特別係有條好大的美人魚.
最冇引就係D人坐滿池邊, 開餐賞月, 一D都唔理人的感受,
有D人太自私喇! 影完就企定睇回放,
當晚我一個人講得最多的是...
「唔該行開D +唔該借開D吖!」真吹漲.
只有真正拍友才互相讓位.
其實最多係D自由人通街都係, 香港點會冇生意做吖?
祝大家秋節快樂呀!!! 仲
有一日假期, 好好享受喇!
一眼望過去一人頭擁擁呀!

2015年9月27日

2015維園燈會慶中秋

今年的主題是以懷舊為主, 扎出了舊香港的市面情況;
其他是全球的人物扎作, 還有香港大師的幾米高走馬燈;
台灣舊年也有份, 不知為何遍要說人第一次參展?!
台灣以土產和國寶作主題, 唔錯啊!
今年特別人多, 我以為7點多人人開飯啦! 我又估錯!
場內有古代衣飾展, 人太多我冇拍喇!
有一樣我頂唔順, 有d人好臭, 場地又冇風, 救命!
點解d人唔乾淨d呢!
勿以為今年會少d自由人呀! 今年特多呀!
祝大家中秋愉快! 慢慢睇陸續有來呀!!!

2015年9月21日

港島中西行(植物篇)2015

我行山目的是為了拍攝, 如果沒有這些植物, 
可能吸引不到我上山去喇! 其實植物對人類好重要, 
沒有植物人就不能呼吸, 植物為地球製造氧氣, 
這點非常重要, 所以我們應尊重一草一木, 
行山勿採摘, 垃圾要帶走啊!
 山上古木參天, 置身其中和大自然有更接近的感覺啊!

2015年9月17日

港島中西行

作短程行這是一個非常好的路線, 適合一家大細共樂其中啊!
由纜車站則的盧吉道直行, 途經龍虎山郊野公園, 松林廢墟, 
再落港大就可剩地鐵回家喇! 行程四小時.

2015年9月11日

九個岌岌可危的世界級景點

世界上有許多美麗的自然景色, 還有讓人嘆為觀止的
文化歷史建築,透過這些景點,讓我們明白自己的存在
是這麼的渺小, 也更提醒我們這個世界仍然擁有
許多新奇的未知等著我們去探索。
這些獨一無二的景色,常常為當地帶來了豐碩的觀光效益,
但大量的消費也讓這些景點有些吃不消的狀況,
美國有線電視網CNN日前就整理了
9個岌岌可危的世界級景點,
除了提醒大家趕緊把握時間計畫前往外,
也提醒旅人們好好善待這些自然與文明的寶藏。

(嗚謝MOOK景點家資料)
******************************
(Machu Picchu)神秘的馬丘比丘,建於狹窄山脊之上。
位於祕魯海拔2000多公尺上的馬丘比丘,每年有超過50萬
名的遊客前往,過多的遊客造成馬丘比丘的石造建築
堪負荷,另外由於馬丘比丘位於地震帶上,
如果遇到強震,有可能會造成古蹟傾塌。

2015年9月9日

上水看花花

閒來無事同朋友去上水逛花店, 見到的花真的很美,
可是D店員
十問九唔識, 真激C我喇! 野花我就識多些; 
唉! 依家D花真喺好多都口唖㗎! 因為外來品種多;
大家都知啦! 好似去花墟...又唔喺有幫襯, 
真喺啋你都傻啦! 好多時唔準影, 仲被趕走o忝!
今次入到上水有幫襯喇! 又夠膽問喇...
點知d店員乜都唔知, 知的人又未返工, 真激c人呀?
以下五張不知名...

2015年9月4日

大埔河、海邊淺灘

香港好景的地方真不少, 我就係唔識路, 
所以只有跟住人行我行,
同時問這問那, 結果都係上網找資料.
原來大埔以前都是一個漁村,
樣子跟現在的大大不同, 現在美觀好多...
大埔河(Tai Po River)係香港新界大埔的河,
由大帽山以北,打鐵屻開始,流經草山、
鉛礦坳、元墩下,去到碗窰,再到半山洲,
然後經運頭塘邨同大埔墟火車站,
最後在廣福邨附近,同林村河匯合。
[我真的不知這是何地段, 只知是大埔河的出口.]

2015年9月2日

尖沙咀拾趣

在尖沙咀走了一圈, 在慢走細看下,
果然有些新睇頭, 平時行過我好少瞻天望地,
這次在閒逛之下, 又真喺有發現啊!
不知是否D商場谷生意, 好多商場唔係節日都有新搞作,
真喺睇得開心, 市而面又夠熱鬧.
可能已有好多人睇過, 但在我來說...做日記就一定要記下來,
放上最方便, 話睇就睇, 分門別類, 自得其樂呀!!!