2010年11月28日

西貢鹿湖高原-北潭凹

28/11/2010
又是行山的日子, 其他遲些再報導,
先來最近行程, 等家人也安心吧!
今日的路線是西貢的鹿湖行山徑
先在西貢麥記上往西灣的專線車, 每位車資15元, 
今次是蘭會的秋季行程, 所以多了好幾位參加者.
下車後不入西灣, 由相反方向走鹿湖山徑.


看見地圖是一路上山的
一開始就這樣了
來到三叉路口等隊長指示, 順手拍拍山中美景.
看到標誌靠左手上鹿湖山徑
隊長一馬當先, 81歲的他, 好勁呀!

在高處遠看到鹿湖所在
再過雙鹿石澗
水不多, 有點乾涸跡象.
過了雙鹿澗我問要行多久? 隊長說大約4小時...
就是要走過兩個山頭.
向前看, 看了之後又怎樣呢?
來吧! 不用怕, 去到不會覺得高的;
看見後...我的怕樓梯症又起了, 開始墮後了.
看見嗎? 最前的手腳並用呀?! 好斜啊!
我走到半山, 先拍一張已走了的路, 
嘩! 好長啊!已走了個多小時...
除了不同的坑道, 梯級也有新建的.
來到平一點的地方作小休息, 補充水份再行.
再開始往向前行時, 一看之下, 見到山頂上其他的
隊伍大叫加油啊! 好勁啊!

(下一張) 行行不覺又要上斜坡了,
見到隊中的一位伯伯坐著不動...
(左上方梯邊), 我是最後的一個,
當然要問吓他的情況...
我說: 攰就喝口水啦? 問了好幾聲...
他看著我說: 你要水? 我有呀!? 我有呀!
唔喺呀? 亞伯你見點呀?
亞伯又問非所答說...還要行幾耐呀?
我說: 重有兩個鐘呀!
佢又話: 我耳不靈o架! 原來喺聾伯一名;
跟著我見他面青唇白, 便靠近他耳朵大聲說: 亞伯唔使急,
怕追唔上呀? 我喺最慢一個, 我會在你後面,
 你慢慢休息吓! 你一定得o架! 我影相一定比你行得慢的.
佢又話平時都有行o架! 但唔喺爬山囉! 今次弊啦!!!
跟住隊長到了; 隊長話通知上有寫上...話要量力而為o架! ?
我示意給隊長...說他是聽不到的; *本來有氣的隊長cool了下來, 怪不得他叫家人打電話找我來啦! 原來喺咁!
我說唔緊要啦! 你先行我隨後, 沒問題的;
我一路上跟住亞伯, 亞伯就十零廿步就坐了下來,
又換衫, 又去廁所; 我跟住他叫他打傘, 叫他飲水,
 我下半程就好似冇行過一樣,   一路上如此,
用多了個半小時才到車站. 甩難喇!!!
報告如此, 俸勸年長者行山一定要有熟人陪啊!

下山是長長的碎石路

有不同大小的坑道, 看亞伯行得比我快啊!
經過了兩個山丘, 開始下坡了.
見到了一條白色石霸, 不斷的下坡道,
看又有一位隊友前來睇看亞伯,
一樣同佢講乜都冇回應.
過了白石霸, 經過一條山崖,
崖上清楚見一長長的飛瀑, 飛流而下.
看見路標才知我們走過的是鹿湖高原區.
再由北潭凹路旁再上坡出大路


來到這裡是最後一段, 幾分鐘便到車站了.
亞伯在我大聲導向下, 好開心的快步前進.
隊長告知伯伯要乘96R出回鑽石山;
可是...我看見沒有96R喎?! 得94R...咋? 冇理由呀!
結果是九巴的錯, 有些在等車的山友說:
錯了好耐啦! 都冇人理呀!

隊長說: 你影底佢, 今晚放上FB投訴, 我照做了.
KBM真的知錯不改! 使人無所識從啊!

我們等了兩部人滿不停的94號, 結果第三部上到了;
 吃下過午茶, 回到家中已6:30PM了,
 頭半段行得好甘, 後半段行得好有心.