2010年7月1日

走彌勒山上昂平360

2010年7月1日

太多貨喇上載唔切o忝! 今次講講我未行過的地方,
昂平彌勒山; 早上在東涌乘巴士往昂平,
一下車當然要參拜大佛喇!
從牌坊右邊小徑入山
途徑心經簡林徑
這段是非常好行的林蔭小徑
不久來到心經林所在, 沒有久留.
不入鳳凰山 徑
再靠右山徑直上
到了一個很大的休憩公園, 
再往上走不遠便見到入山指示牌了.
隊長說只取道彌勒半山徑道而行, 
不上山頂...因為山頂冇樹蔭, 當日太曬了.
走斜坡上半山徑
出了樹叢見到了彌勒半山徑了.
到半山徑可以一覽東涌遠景, 當日又曬又有煙霞.
一路上坡, 冇瓦遮頭, 開始伸脷喇!
問隊長, 過了彌勒山去邊呀?
過幾個山腰, 再上360索道囉!...
吓! 行幾耐呀! 你唔影相就好快啫!
睇吓! 點會唔影相呀! 五叔坐咗落石邊影o忝!
我又包尾喇! 五叔最後通牒...喂! 快d行啦? 
唔等你喇! 五叔講完唔見咗人喇!
山上的怪石好多, 這個好似大炮.
這個好似人頭, 唔影點得呀!!!
遠望見到索道了, 但隊友行得好快連影都冇...
又轉了兩個彎, 一直上坡, 唔掂喇! 
都喺坐低抖吓先, 飲啖水...
風景不錯, 可是煙霞太大, 朦朧得很;
 坐下來前看後看都是好斜的山徑, 
真的感到乏力呀!
宜快馬趕上, 就在此時為了拍一隻小小弄蝶, 
又阻了幾分鐘, 啊! 重有一個山要過啊! 繼續上坡...
離遠終於見到隊友的踪影了, 可是我尚有20分鐘路程
未完成啊! 好攰呀!
好不容易來到索道下的機房站, 見到看守唐狗狗, 
好友善的, 又好為食o架!
看看這偉大的工程, 可想當時用驢仔背著材料上山, 
牠們是多艱苦啊! 我這樣走又算是什麼呢!
在這裡可以清楚看見纜索的運作, 好有power呀!
每有吊車經過, 我們都say Hi,呀! 又是那麼接近.
坐下環顧四周山巒起伏, 真的江山如此多嬌!
看對面...我問隊長, 使唔使過對面呀! 好攰呀?!
好彩唔使行過對面山, 但回程都好甘呀! 
從另一邊走回大佛處, 又唔知要轉幾個彎喇!
隊長一話起錨, 個個雞咁腳向著大佛出發啊!
其實唔知點解唔可以慢慢行, 留在山上看看風景, 
是不錯的享受, 為何都好似趕住走咁呢?!

我成日話如果做喜歡的事, 都要趕時趕侯的話, 
不如唔好做啦! 都唔盡情享受!  嘥氣!