2011年5月17日

長洲太平清樵(三)舞獅

2011年5月17日
中國舞獅,  相傳起源於南北朝,  以至唐朝.  
另一種說法是...由中東傳進,  又名『金毛吼』!  
認為是在一千九百多年前,  伊朗與我國通過經濟來往,  
依朗大使把獅子等動物經過運輸, 從絲綢之路進貢到中國,  
後來人們把獅子的形像逐步加工及藝術化,  
而舞獅先是流行在皇宮內院,  繼而流傳到民間.  
唯當時並不普遍風行,  及至明末清初, 
因民間有反清復明組織,  志士們因集結與攜帶之方便,  
遂風行一時.
獅有南、北之分, 樣子各有不同; 南獅用兩人, 
而北獅則用一人舞動; 獅代表正義, 
代表的人物有桃園三結義的古人劉、關、張三人;
色是劉備, 紅色是關雲祥, 黑色是張飛;
北獅小巧可愛, 動作靈巧而帶柔; 南獅體型巨大, 
樣子威猛而正氣, 舞動起來正表現獅的雄偉啊!
近年來好多都不再追隨古舊了, 隨著就有很多色彩斑斕出世, 使人有眼前一亮之感!
**********************
看醒獅隊來喇! 其實這次巡遊不是分類演出, 
而是梅花間竹的出現, 但的在blog上, 
我就是喜歡歸類上載, 這樣便不會混亂!
我自小就熱愛看醒獅, 同時會不其然的隨著
鼓聲起舞的, 那天也是如此, 真想成為其中一份子.
嘩! 師兄乜你行咁快呀! 去上鏡呀!

看! 當獅尾的竟是不足十歲的小子, 
勁啊! 你有你擺post, 小子乘機抖抖喇!

黑獅是獅中霸氣最勁的啊!

啊! 老友喜相逢! 企好影張相先.

警察叔叔叫人群讓開些, 獅子要上馬喇!

睇吓我幾威, 人疊人行足一條街呀!

好勁呀! 又威風, 霸氣十足好影喇!

鼓聲又起, 回頭一看...已在我面前喇!

佢好快便跳到出口

剛好又兩雄相遇喇! 一齊行啦!

跟著一轉頭第隻又到了, 好彩都有一張.

隨著兩兄弟上場, 擁戴者超勁啊!

好靚仔的醒獅雙寶

這隻南獅很專業的在電視錄影機前勁舞起來

凌空360度飛轉啊!  夠落力呀!

真喺睇得好開心呢! 正!

家明加油呀! 看! 鼓手才是舞獅的靈魂啊!

傳說中的家明哥,  原來真喺有o架!

又見一對靘仔的獅寶寶...
對白...喂! 訪問喇! 唔好『洽眼瞓』啦! 醒醒啦! 喂???... ... ...

點呀? 抖吓都得啩?
咁! 都要整個正樣上鏡o架!
算啦! 我哋點睇都咁靚仔啦! 橫掂又唔使出聲, 
嗰個靚女自問自答都好掂呀! 真喺好想瞓呀?!

最後我走到另一條街, 幸運哋拍到走漏眼的
兩隻靚獅! 最大與最小...

這隻粉紅的是從另一邊上來的

對白... 爸? 還要走多遠呀!
仔仔, 你忍吓啦! 快喇! 你睇吓...亞炭頭叔
都合埋個口一味行,  粒聲都冇呀!
行啦仔! 唔好再問咁多喇!~~~
睇吓! 炭頭叔合埋個口, 樣子又幾cool啊!

在街口見到兩小兄弟...對話...
哥哥, 到我玩未呀! 細佬, 你做獅尾好掂吖! 
舞獅頭你又唔夠高?!...
媽~~~亞哥又呃人! 又話一人玩一陣~~~
媽: 你俾細佬玩番陣啦! 人家都散band啦!~~~
小朋友玩到身水身汗, 有獅經過就跟住舞動小獅頭,
 這位也是長洲未來的生力軍啊! 正!
小朋友不肯離開, 佢話重有o架! 夠堅持!
 d對白好唔好笑呀!!!