2011年4月30日

鯉魚門觀奇石

2011年4月30日
上星期又有人請我到此食飯, 飯後節目行山, 
於是便取道天后廟附近的山徑走.
途經公園許願樹旁, 又有奇景影喇! 依家好多
港人學足大陸, 結婚都周圍取景!
你睇天時暑熱, 汗流浹背, 女的在找什麼, 
男的好少理, 抖留啖氣先; 咁陰公冇人幫拖? 
就咁隨街踎, 幾靚都扣哂分啦! 唉!!!
行冇幾遠過咗公廁, 有人拍戲啊! 場景搭得
好迫真! 剛好有個工人在, 我多口問句邊個拍呀? 
「郭富城」囉! 
*以為我會尖叫呀! 點知我冇乜表情; 
*再問: 幾時拆呀?
佢話拍到16號; 我又問: d嘢重要唔要呀? 
(因為見到好多鹹魚、店內雜物是真的); 
*男仔話拍完唔要喇! 
當時我身邊有位原居民(伯伯)在,
我順口就叫阿伯到時來點收啦? 唔好嘥!
*阿伯話: 好呀! 我得閒就來睇吓!
扮哂嘢! 梗喺啦! 我好熟o架! 我似陀地多過
好多其他人呢! 我亞叔喺呢處住到走埋! 
屋都買咗喇!
佈景幾可亂真, 前後看到的都不一樣啊!
我好想攞隻紙鳶去放啊! 
行到尾段, 又見這間買紀念品的國寶店, 
那副對聯總有一個字唔識, 我依家梗識啦!
考吓你?
一幢屋兩間房三五知己, 
萬卷書千幅畫百十珍翫. 
再走不遠見到古廟了, 當日潮退, 我哋不如行
沙灘睇怪石喇! 都好呀! 去放底d負能量先!
成座廟都好耐歷史喇! 
觀音乘龍張相就在鯉魚門上空拍到的.
十五剛過, 廟內又掛滿祈福塔香.
繞過這塊大石, 靠小路直通廟後...
就會看到這堆大石; 我看了幾十年...
都冇人話我知d石有名嘅?!
我大聲叫...點解呀? 就在這時侯, 石旁算命館
的館主出現喇! 佢見我好多時都在這裡, 
脫了鞋走沙灘, 我話要將d負能量從腳底釋
放出來, 唔使到天冷俾d靜電電到我cc吓! 
腳不佔地出唔到d壞氣啊!
館主伯伯話我啱呀! 應該咁做天地人合一呀! 
人體就是一支天線啊!跟住又問我摸咗元寶未? 
吓! 邊舊喺呀! 
一問之下多嘢講喇! 重引來幾位行山者, 
你一句, 我一句, 講得不知幾高興.
嗱! 前面就是鯉躍龍門喇! 吓! 你行過d睇啦!
咦! 真喺好似啊! 仲有...
伯伯話...你企喱度喺猿猴手, 吓! 行落去影啦!
哦! 真又好似啊! 勁!
仲有呀! 伯伯叫我朋友去企吓張石床喎! 
會有姻緣運行喎! 佢企咗上去, 電話就響喇! 
索性坐著不動, 塊石上面好平順的.
伯伯又冇叫我企喎! 佢淨係叫我去摸元寶, 
話當晚開庫! 好呀! 摸過就發喇!
吓! 咁大舊元寶, 平時見慣唔多覺呀! 
伯伯話你懵囉! 咁! 我就圍住舊石, 
好小心行了一圈, 腳皮都薄咗呀! 石地好粗糙啊!
金蟾出海啊! 伯伯又話成個鯉魚門喺...
什麼雙魚抱珠格, 風水好好, 要多d來吸氣啊! 
你話c唔c吖?! 我亞叔都住到走埋! 我又時常出入, 
居然冇留意身邊有咁多好人好事好景物. 
怪不得伯伯話我懵啦! 我又真喺係幾懵嘅!
我決定一有時間就去放下一些負能量, 
要天、地人合一, 個人可能會冇咁懵呀!
哎呀! 我要找回我的小宇宙! 要多吸靈氣先得!
伯伯話: 山上有鷹巢, 有時有六七隻o忝!
臨走時還有雙鷹送客, 飛到好底呀! 幾好吖!
************************************
( 路線: 地鐵油塘站A、B出口直落海邊;
尖咀海港城下面至油塘有14號巴士; 
佐敦吳松街、旺角先達有專線小巴直達; 
官塘郵局後同仁街有專線小巴直達牌坊; 
香港西灣河碼頭-鯉魚門渡輪可直達; 方便到極. )

沒有留言:

張貼留言

謝謝留言