2009年10月30日

我的貢獻

2009年10月30日
10/8月, 自從因傷了脊椎神經, 停止活動了兩個月,
終於完全康復了; 以回來重整家園的大前題下,
 除了棄舊物之外也作出了我的貢獻,錢就冇本事俸獻了,
力和心是我唯一可以付出, 因為心中有愛啊!
家中的人都是馬不停蹄的出外謀生,
留在家的時間少之又少, 回到家中多以作大休息和進食,
其他一於少理; 我心中所要的安樂窩, 最少都要整潔,
但自從我回港幾年後, 這裡幾乎是沒有執整和保養,
見到真的會心痛的.
往後日子好難知有什麼事發生, 但是在眼前的
就要愛護和珍惜了. 以下便是我用了三天的成績.
先來看看隔鄰的門, 我忘記先影一張就開工了,
只好影住別家的作比對, 這算是好的了,
比起我家的更難看; 因為西斜的關係,
狂晒四年什麼油都化到一乾二淨, 木還出現裂紋.
首先用塵掃...掃去門上的泥塵, 再用清水抹三次,
等乾透後可以上色, 先上一層較深色的原木底油,
過八小時乾透後, 再上光油, 不可心急, 上完後又再等乾透,
第日再上多一次, 咁就可以捱兩年了.

完成就拍張相作見證啦! 點知一睇相就發覺不完美了,
為什麼??? 睇吓那些鐵欄, 都開始生锈了,
於是又展開第二救亡工作, 用了一日時間,
曬到成個變咗黑妹, 結果都完成了,
到了第二朝一早再看看, 又發現有些地方要補油,
又用了一個早上, 好了...

就這樣一個完美的家門出現了, 舒服晒!!!
所謂買屋難...保養更難, 屋內還有好多大大少少的問題,
我又發覺有一個消防花洒, 有些少漏水, 又要想辨法喇! 
希望唔會好喺大單嘢啦! 未整過要睇睇吓書先得喇!
鄰居八太過來大讚特讚, 話佢哋都要補油, 
又話等老公同仔去做! 又問我家的男丁做乜唔幫手? 
我有的是急才, 難不到我的, 我說: 『他們是文人做不得,

我是武行, 當然由我一力承擔啦!  咁先至顯出
冇咗我唔得, 肯定破財又俾人屈.』一聲哈哈哈後, 盡歡而散.

心中的喜悅真的要感謝上天, 再賜給我健康,
才可回報給我的家啊!