金色聖誕

 2008年12月23日

又一個捨得用錢作招來的商場, 荷里活商場, 

今次慕名而去, 沒有白費心機, 真的好金, 

題目又新穎 A Sensational Christmas 

一個有感覺的聖誕. 全以紅金為主體極之豪華.

商場的樓梯也貼上了宮殿式的圖案.

先上三樓由高處影兩幅先, 

今晚好凍人流不多, 正合我意.

四個不同的主題, 做形好似南瓜車.

除了全金色外, 還用金黃色的螢光燈圍邊, 

還佩上紅和粉紅二色.

正式入口, 頂上主題只得英文, 

沒有中文, 商場走高格調路線.

窩心的熊熊坐椅, 可供拍照, 我沒拍下截,

 因為有一小朋友不肯走開囉!

『音色』的寶坐也可拍照, 我好喜歡這個.

 好香艷的紅色, 正!

『笑』這個不可內進, 因為裡面的裝飾是

眼看手勿動. 咁點笑得出~~~

『味』這個金鐘只可欣賞, 它有什麼味呢? 

點試呢? 不過真喺好靚.

睇吓! 攔住o架! 重有好幾個保安睇住o忝!

行番出去在旁的是扭蛋樂園, 

又大搵特搵年青人的錢了.

巨型扭蛋機做成的聖誕樹會轉不同顏色的.

我真唔明扭蛋有乜好, 又唔環保, 

d殼掉到滿垃圾桶, 又貴, 錢從何來?

好似一個要十元, 有些還不止, 

其實成本呂使兩元.

佔了半個場成了扭蛋樂園, 款式之多嚇你一跳. 

星期天一定爆晒棚.

Snoopy也穿上冬裝, 你哋買o左新衫過冬未呀! 

我要走喇! 拜拜!!!

跟住重有幾輯睇o架! 伴你過埋個聖誕節好嗎!?