初訪荷里活道

 2008年10月4日
真喺好介紹了, 表妹看了So Good的專訪雲吞麵, 嚷著要去試, 
又話要去看看文武廟 ; 好吧! 去就去囉, 原來我都喺唔識路o架. 
上綱搵到食麵的地址, 又搵埋文武廟 的地址, 在早上十一時出發,
 到我搵到食麵果條威靈頓街, 已經十二點半, 適逢放飯時間, 
重要在街邊排隊等了半小時, 又落雨真喺好難頂.
好了入了沾仔記, 用了二十分鐘, 一人一碗雲吞麵吃完立即走人,
 因為等食的人太多了.
咁又喺幾低食嘅, 十六元一碗, 三粒雲吞如乒乓波般大, 
麵都好大碗, 總之一個妹仔食夠晒飽.

對面地下就喺麥奀麵家, 下次再去試過. 這建築物是一所佛堂.

吃完麵去出威靈頓街, 剩登山電梯上荷里活道. 落到去表妹一眼就望到這建築物, 
走去看看原來是中央差館. 好有氣勢呀!

差館旁邊是中央警署診所, 現已成了文物古蹟.

沿著右手邊走過去一路上都是燈飾店, 古董店. 好美的蓮花燈.

第一次近看煙槍. 包銀包玉的煙管, 可想那時的食大煙是高格的享受.

這是存放頸鍊子的首飾盒是漆器.

狼毛大楷, 摸下去好似人髮, 好幼細的, 用來寫大字就無敵了.

象骨雕刻鼻煙壺, 象骨麻雀好似無人喜愛, 因易變色.

好似古董???應該唔喺啦! 隨街邊放地上.

這間名副其實的雜貨舖, 什麼都有, 名叫雜寶坊是也.

遊客區的特別就是水渠蓋也鑲了銅雕刻, 利害吧!

可憐些木偶被遺棄在路, 還給人油到滿面黃油, 一定有問題~~~

真富貴好似淨喺這條街至喺咁咋! 銅製的坑渠蓋重有埋街名.

不要以為是廟呀原來喺間買古董櫃的店舖來的.

靜靜地影下店內的最愛百子櫃. 有六十個櫃桶仔o架.

好了在這時侯, 大表妹叫累了, 行了成條荷里活道;  就在這時侯文武廟 
就出玩在對面不遠處, 來吧! 睇完請你搭的士.
文武廟 現正裝修, 十月十五日重開;  有幾百年歷史光緒年代的牌扁.

扁下為正堂大門, 剛漆好了金油.

側為十王神位的廟頂, 也油好了.

正堂頂和兩側皆掛滿善信的祈福塔香.

啊! 又唔記得睇吓頂金橋, 喺邊位大神的坐駕.

這牌扁也是光緒二十年眾善信送贈的.

睇完喇! 走得喇! 剩的士轉天星小輪回家去.

一號風球下的海浪, 就這樣完成一天的遊歷. 也就這樣到了分別時刻, 
一天一夜吃吃喝喝, 有說不完的話題, 這次時間太短了, 已約好下之來久一點, 
要住上一星期才可盡情去玩的.

BYE...