2007年12月18日
天氣轉冷但又乾燥, 日日對住部電腦真係手指都乾憎憎,
今日靈機一觸, 成日聽人講什麼蜜瓜煲雞,
我覺得雞會燥一些, 同時好多時有少少感冒
又唔知o既人飲咗雞湯就大件事喇!
我建議改用瘦肉比較穩陣. 又滋潤又養肺.
材料:二至四人份...瘦肉十兩.
蜜瓜半個. (要生一點的, 太熟容易煲爛)
紅蘿蔔一大個. 南北杏五錢. 蜜棗三粒.
做法: 先把瘦肉飛水備用; 煲滾十五碗水,
然後把湯料全部放入煲內, 大火再滾後轉中火,
半小時後轉慢火, 大約二小時即成.
然後依個人口味加入些少鹽便可.
沒有留言:
張貼留言
謝謝留言